Ka bor kaba khlain tam dei ki paidbah, kyntu u Cornad ban pynjop MLA ia u bah Lamphrang

Shillong, Risaw 05: U Myntri Rangbah ka jylla u Conrad K Sangma u la ong ba ka kamram jong ka sorkar ka long ban iada ia ka jingim jong ki paidbah nongshong shnong, la ong ba ymd ei ban leh ei ei kaba lah ban pynmynsaw ia ki paidbah nongshng shnong.

Ieng skehm ban bat ia ka shong suk shongsain ban pynthikna ban ai ka jingiada ia ki paidbah nongshong shnong ka jylla, dei na kata ka daw ha kiba bun ba don ki jingiakhih kaba ki ia kynduh phin iohi ba kam don kawei ka jingim ruh kaba la duh.

Ka sorkar ka pynthikna haba ialeh ban pynneh pynsah ia ka shongsuk shongsain, dei ban shim ruh ia ka jingshaniah na ki paidbah dei halor kane ka nongrim ba kane ka sorkar ka iaid sha khmat.

U Myntri rangbah ka jylla Meghalaya u la ong ba u sngew phylla ba ki mih jingkynthoh shuwa ba u myntri Blah un rung sha ka party NPP, hato ki don ka jingtieng ba ka NPP ka dang kiew na ka por sha ka por.

U mytnri rangbah u la ong ba ha dien ka bor kaba na sha jrong ka dei ka bor kaba nyngkong bad ha dien kata ka bor kaba ar ka dei ka bor jong ki paidbah, kan nym don shuh kano kano ka bor kham palat ia ka synshar paidbah, kan nym don kawei pat ka bor kaba palat ia ka bor jong u paidbah, kumta wat juhbuh kum kine ki kyndon.

U Myntri rangbah u la ong sha ki nongkyrshan ka NPP long kiba shlur, ka jingdon jong ki ka long ban ia leh na ka bynta ki paidbah bad ki don ban ialam ia ka jylla sha khmat, kim nym pyndem da kine ki jingeh kaba ki ia kynduh,u myntri rangbah u ai ka jingkular ba ki don ryngkat bad ki paidbah.

Ka kynhun myntri baroh ka don ym dei ban tieng ka sorkar kan shim ki lat ki  lynti baroh ban iada ai ia ka jingkyrshan kaba shai ia ka party ban pynthkna ba u myntri Blah un jop ha kane ka ilekshon, u la aiti ia la ka jingim ha kine ki snem baroh ban pynthikna ba  u don ka por na ka bynta ki paidbah ka Mawphlang.

Haba phai sha ka party Congress u la ong ba ka dei ka party kaba ia paid ia para hapdeng jong ki bad kane kam dei tang hapoh kane ka jylla hynrei wat ha ka Ri baroh kawei dei na kane ka daw ba kim lah ban jied ia u nongialam jong ki bad kam don nongialam.

Kumba ka long kam don jingmut ban don ha kane party kaba la ngam, dei na kane ka daw ba ki dap da ka jingsngewkmen ba u myntri Lamphrang Blah u la pyniasoh bad ka National People’s Party bad u pdiang sngewbha ia u bad ia baroh ki nongialam kiba la pynlong ia u kum u MDC la bun bun snem. U President ka NPP u Cornad K Sangma u la ai ka jingkular ba u Mytnri Blah dei ban jop ia kane ka MLA ilekshon.

U Cornad u la ong ba ha kaba sdang ka party ka don tang ar ngut ki MLA, hynrei ha kine ki phra snem, kala don ki MLA ha Arunachal Pradesh, ki myntri ha Manipur bad ha Meghalaya ka ialam ia ka sorkar bad mynta ka dei ka National Party.

U Myntri Rangbah ka jylla u la ong ba ka thong jong ka NPP wat la kadei ka National Party hynrei ka jingpyrkhat ka long ban iada ia ki rit paidbah, ka party kan ialeh ban iada ia ka hok jong ki paidbah riewlum bad ia ki rit paid jong ka thain shatei lam mih ngi jong ka Ri India.

Ki paidbah ha dien ba kila iohi ki mat trei kam jong ka NPP kila wan ban pyniasoh sha kane ka party bad mynta ki briew na kylleng ka dong shatei lam mih ngi jong ka Ri India ki sa ai ka jingkyrshan ia kane ka party, wat la ka party NPP ka dei ka National Party, hynrei kane ka pyrkhat kum ki Riewlum.

U Myntri rangbah kane ka sngi u ai ka jingpdiang burom ia u myntri Blah bad ia baroh ki nongkyrshan kiba la wan sha ka party NPP. Ha kane ka sngi la don lang ruh u symbut myntri rangbah ka jylla  u bah Prestone Tynsong, kiwei ki kynhun myntri bad ki nongialam ka NPP.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet