Shillong, Jylliew 10: U Myntri Sorkar Pdeng ba dei khmih ia ka TnadPorts, Shipping & Waterways, SarbanandaSonowal,, u la pyrshah jur ia ka jingkynthoh jong ka seng Congress ia ka jingtreikam jong ka sorkarModi ha kine ki 11 snem ba la dep, da kaba pynskhem ba ka seng kaba la rim bha ka la “duh ia ka hok ban kynthoh”.
Haba ban jur ïa ka jingkiew kaba pynkylla dur hapoh ka jingïalam jong u Myntri Rangbahduh ka ri u Narendra Modi, u Myntri u la ong ba ka Congress kaba la leh bymsuidniewïa ki jingangnud jong ki paidbah la palat hynriew phew snem, mynta ka ieng hakhmat ka India kaba thymmai kaba ai khusnam ïa ka jingtreikam bad kaba pynshitomïa ka jingbymshimkhia.
“Ka Congress ka la duh ïa baroh ki hok. Ki la pynpulomïa ka jingkyrmen jong ka thaiñshateilammihngi haba ki la synsharbaklaïa ka ri la palat hynriew phew snem. Ki sngi jong ki jingeh hapoh ki sorkar Congress ki la dap da ki jingiaumsnam, ki kam pyntriem, ki kam thombor kiba la ialamia ka thain ba itynnad jong ngi sha ka jingduhjingkyrmen, jingpynjot, jingbymiasngewthuh jingmut bad jingiapher.
Ka shongsukshongsainka la long ka jingphohsniew.Ia kane la pynphai kylla tang da ka jingïalam ba shlur jong u Myntri Rangbahduh u Narendra Modijiuba la shim ïa ki sienjam ba radbah ban pynkylla durïa kane ka thaiñ bad ban pynlong ïa ka kum ka kor jong ka roi ka par jong ka India bathymmai,”la ong u SarbanandaSonowal.
Haba ai jingkren ha ka jingïalang bad ki lad pathai khubor, u Myntri Sorkar Pdeng SarbanandaSonowal u la pynpaw ïa ki jingjop ba kongsan jong ka sorkar ba la ïalam da u Narendra Modi ha kine ki 11 snem bad u la bataikumno ka la pynpoi ïa ki jingmyntoi bym pat jujia mynno mynno ruh sha man la ki bynta jong ka imlang sahlang.
Ban kyntiew ïa kiba duk ‘GaribKalyan’, ban pynkupbor ia ki kynthei ‘Nari Shakti’, ka jingpynkylla ia ka rep ka riang ‘KrishakKalyan’ bad ban pynkupborïa ki samla lyngba ki jinghikai kiba pynshongnongrim ha ki sap ki phong bad ki lad ïoh kam ïoh jam watla ka jingtreikam jong ki polisi ba thymmai lyngba ki campaign Start Up India lane ka Digital India.
U Sonowal u la pynshai ruh kumno palat 2.19 lak ngut ki nongrep ki la ïoh jingmyntoi na ka Mission Organic Value Chain Development, la thaw 434 tylli ki Farmer Producer Organisation (FPO), kaba kynthup 1.73 lak hectare.
U SarbanandaSonowalu la ong, “Hapoh ka jingïalam ba shlur jong u Myntri Rangbah duh Narendra Modiji, ka Sorkar ka trei ban tei ïa ka Viksit Bharat ha kane ka Amrit Kala da kaba pynleit jingmut ha ka ‘Seva, Sushasan bad GaribKalyan’ (Ka Jingshakri, Ka JingsynsharBabha bad ka bha ka miat ia kiba duk ba suk).
Palat 81 klur ngut ki briew mynta ki ioh ei ia ki mar bam hapoh ka PM GaribKalyan Anna Yojana, palat 15 klur ki longïing ha ki jaka nongkyndong ki ïohïa ka kor um hapoh ka ‘HarGharJal’, bad T. 3.7 lak klur la ai sha ki nongrep lyngba ka PM-KISAN.
Ka jingpynkupbor ïa ki kynthei ka la ïohiïa ki jingkiew kiba phylla—na ka jingbuh kyrpang 33% ha ki ïing dorbar thawaiñ hapoh ka Nari Shakti VandanAdhiniyam haduh ki jingphahbeitbeit ia ki jingmyntoi sha palat 3.9 klur ngut ki longkmie kiba armet, bad ka jingpdiang ba kongsan ia ki kynthei sha ka National Defence Academy (NDA).”
Naduh u snem 2014, ka sorkarModi ka la wanrah ïa ka thaiñshateilammihngi ha ki kam jong ka ri na ka bynta ka roi ka par jong ka India da ka jingbei tyngka kaba ym pat jujiamynnomynno ruh bad ka jingpynleit jingmut kaba thikna.
Ka thain shateilammihngi ka la paw kum ka jingkylla ha kaba ‘Ki kam lehnoh ki la hiar da 64% naduh u snem 2014, la weng noh ia ka AFSPA na 75% jong ka thain’, la bynrap shuh shuhu Sonowal. Ka sorkar ka la mynjur palat 3,600 tylli ki projek kiba shongdor T. 44,859 klur, la tei 10 tylli ki kad liengsuiñ ba thymmai, bad pynïarïa ka jingpyniasoh bad ka rukom rep ka bym pyndonkam dawai lyngba ki kam ba la buh kyrpang.
“Hapoh ka jingïalam jong u Myntri Rangbah duh Modi, ïa ka thaiñShateiLammihngi la pynkylla ha kaba kam dei shuh ka jaka kaba jngai, hynrei kum ka Khyrdop ba kongsan jong ka India sha ka thaiñMihngi, ryngkat bad ka shongsukshongsain, ka jingkiew shaphrang, bad ka jingseisoh ha ka tynrai jong ka”, la ong shuh shuhu Sonowal.
U SarbanandaSonowal u la pynpaw ia ki lad ki lynti kiba khraw jong ka kam jngohkai pyrthei ha kane ka thain. Ka jingroi kaba la ialam da ka kam jngohkai pyrthei ka la long kum u rishot ba kongsan jong ka roi ka par jong ka jylla Meghalaya hapoh ka sorkar jong u Myntri Rangbahduh ka ri u Narendra Modi.
U Myntri Sorkar Pdeng u SarbanandaSonowal u la ong, “Ka Shillong ka dei ka nongbah kaba itynnad, ka Meghalaya ka dei ka jingai sngewbha jong ka Mei Mariang. Ngi dei ban rakhe shisha ia ka bad ban pynthikna ia ka roi ka par kaba iaineh lyngba ka jingpyndonkam ia ki lad ki lynti kiba khraw ha ka liang ka kam jngohkai pyrthei.
Ka jingkiew jong ka kam jngohkai pyrthei ha ka jylla ka dei ka dak kaba bha namar ka Meghalaya ka la kylla long ka jaka ba ki nongjngohkai na ka ri bad kylleng ka pyrthei ki jied ban wan kai sha India. Ka Jylla Meghalaya ka long ka nuksa ba bha jong ka jingjop ki skhim kum ka SwadeshDarshan.
Ka sorkarModi ka la mynjur T.244 klur ban kyntiew ïa ka kam jngohkai pyrthei kaba iaineh kaba la plieïa ka lad ha ki jaka jngohkai pyrthei ba pawnam kum ka pungUmium, Lum Sohpetbneng, KshaidKrangSuri, ki krem Siju, bad ka Nokrek Reserve kiba la pynkylla sha ki jaka jngohkai kiba pawnam ha ka pyrthei.
Naduh ki lynti iaidkjat sha ki kshaid haduh ka jingpeit ia ki kremMeghalayan Age, ka jingpynleit jingmut halor ka kam jngohkai pyrthei kaba neh bad kaba iar ka la pynim biang ia ka ioh ka kot jong ki thain bad plie ki lad kamaikajih.
Ki jaka kiba iadei bad ka jingngeit bad ka pateng kum ki shnong Nartiang bad Mawphlang ruh ki shah kyntiew hapoh ki kyrdan jngohkai pyrthei ba kyrpang, kaba buh ia ka Meghalaya kum ka jaka jngohkai pyrthei kaba biang bha hapoh ka thain shatei lam mihngi jong ka ri India.
Ki sienjam ba kongsan kum ka jingsengïa ka jaka sumar ïa ka jingpang cancer kaba heh tam ha South Asia ha Assam ki pynpaw ïa ka jingkut jingmut jong ka sorkar ban pynbeitïa ka jingbymshimkhia kaba la neh da ki phew snem.
Ka Rising North East Investors Summit 2025 kaba dang shen ka la pynskhem shuh shuh ia kane ka jingthmu, da kaba pynthikna ia ka T.4.3 lak klur ha ki jingkular ban bei tyngka ka ban plie lad ia ka ioh ka kot jong ka thain bad ban pynmih ki lad kam ba bun.
“Da ki phew snem hapoh ki sorkar Congress, ka thaiñ shatei lammihngi ka la sahkut ha ka jingsahdien, hynrei hapoh ka jingïalam jong u Myntri Rangbahduh ka ri Narendra Modi, ka thaiñ ka la sngewthuh ïa ka bor ba shisha jong ka ban long ka jaka pdeng jong ka roi ka par, ka jingpyniasoh, bad ka lad.
Ka jingheh jong ka jingbei tyngka bad ka jingkylla kaba ngi ïohi mynta ka pynpaw ïa ka jingkut jingmut kaba skhem jong ngi ïa ki briew jong ka thaiñ Shatei lammihngi,”la ong u Myntri Sorkar Pdeng Sarbananda Sonowal.
Ka thain shateilammihngi ka sakhiia ka jingkiew kaba stet ha ka jingpyniasoh, ka rep ka riang, bad ki kam karkhana. Ki kad liengsuin kiba treikam ki la kiewna ka 9 tylli ha u snem 2014 sha 19 tylli ha u 2024.
Ka thain ka dang kiew kum ka jaka pdengna ka bynta ka rukom rep organic bad ka jingpynmihumphniang bam, ha kaba ki don 3.3 lak ngut ki nonglum bad palat 19,000 tylli ki SHG kiba la kyrshan hapoh ka Van Dhan VikasYojana.
Ka kam ba iadei bad ki siej ruh ka la kiew lyngba ka jingpynkylla kyrdan bad ki thong ba la thmu. Ki lad ai jingsumar bad ka jingpynnehpynsahia ka pateng ruh ki long kiba kongsan. Ki sienjam ba iadei bad ka kolshor ki kynthup ia ka tribal museum ha Manipur bad ka jingkyntiew ia ka Sivasagar kum ka heritage site.
Haba kren halor ka jingiarap pisa sha ka jylla Meghalaya, u Myntri Sorkar Pdeng u SarbanandaSonowal u la ong, “Ka jylla Meghalaya, kaba la kyrshan da ka jingkiew kaba 105% ha ka central grant-in-aid, ka la iohi ia ka jingkiew kaba khraw ha ki jingdon jingem & ka bha ka miat ha ka imlang sahlang.
Ki sienjam ba kongsan ki kynthup ia ka Greenfield High-Speed Corridor kaba T. 22,864 klur hapdeng Mawlyngkhung&Panchgram, kaba la khreh ban kyntiew shibun ïa ka jingpyniasoh ia ki kam logistic ha ka thaiñ. Palat 540 km ki surok bah jong ka ri la shna, bad ki projek ka leit ka wan ha ki jaka sor ha New Shillong bad Tura la pyntreikam hapoh ka PM-DevINE.”
Ki jingïarap na ka bynta ka bha ka miat kum ki post-metric scholarships na ka bynta palat 76,000 ngut ki samla pule SC/ST/OBC, T. 2,331 klur ba la ai lyngba ki ram MUDRA, bad ka jingkiew lai shah ha ka jingbei tyngka jong ka National Health Mission (NHM) ka la pynkupborïa ki briew ha kylleng ka Jylla Meghalaya.
Kine ki mawmer ki pyni ia ka jingkular ba khlem artatien jong ka sorkarModi na ka bynta ka roi ka par kaba kynthup lang, ka jingpynkupbor ia ka ioh ka kot, bad ka jingpyniasoh ia ki thain jong ka thain shateilammihngi.
La synranlang ia u Myntri Sorkar Pdeng da u Bah AL Hek, Myntri ka Tnad Animal Husbandry and Veterinary, Fisheries, Printing & Stationery, Secretariat Administration, Sorkar Meghalaya; u Rikman G Momin, State President, BJP (Meghalaya), BahWankitbokPohshna, State General Secretary bad Convenor, BJP (Meghalaya) bad Bah SanborShullai, MLA bad Chairman, Meghalaya Tourism Development Corporation (MTDC).
