Sngewnguh Ka CoRP ia ka Balang Presbyterian kaba la seng ia ka skul ha shnong Rani Jirang

Shillong, Lber 07:Ka Confederation of Ri Bhoi People (CoRP) ka pynpaw ia ka jingsngew nguh bad burom ia ka Balang Presbyterian kaba la seng ia ka skul pule ba la tip kyrteng ka Larsing Khongwir Presbyterian L.P School ha shnong Rani Jirang Syiemship, Ri Bhoi District kaba long kum u mawpud hapdeng ka jylla Meghalaya bad Assam.

La iathuh ia katei ka skul la wan ban plie da u MLA barim ka Jirang konstitwensi Bah Lamboklang Mylliemngap ha ka 23.02.2016. Katei ka skul ka sdang ia ki klas ban ai jinghikai ia I khynnah la kham slem bad jingtei ban pynheh ia ka iingskul ka dangiaid shakhmat.

Katkum ka kyrwoh ba la phah da u Bah Bandari Ryntathiang, President ka CoRP sengkmie, u la ong ka jingdon katei ka skul ha Rani Jirang, ka long shisha kum u mawpud ba skhem ia ka jylla Meghalaya ban iada na ka jingiai kyntur pud ka sorkar Assam ha shnong Rani Jirang bad ki jaka ba marjan.

“Dei da ka jingdon katei ka skul ba katei ka jaka ka danghap hapoh ka jylla Meghalaya, lada ym dei na katei ka skul ka Assam ka la ioh ban kam ei ia ka jaka, namar la sakhi ha lyndet jong katei ka skul ki lum ki la madan na ka jingtih kyndew bad maw ki dkhar Assam kaba hapoh hima Jirang,” u la bynrap.

U Bah Bandari u la ong, ka long ka jingma lada ka jingtih maw bad khyndew kan iai bteng katei ka skul ruh suki ka lah ban poi sha Assam, kumta ki bor pyniaid ka skul bad khamtam ki bor hima Jirang kim dei ban ai lad ban tih hyndew ne maw namar la sngewthuh suki suki ki jaka ba madan na ka jingtih khyndew kin ioh kam trai na Assam.

“Balei u Syiem Jirang um shna da ka ophis Syiem ha khappud ban iada ia u pud u sam ka hima bad ban lait na ka jingshah skut jaka ha ka sorkar Assam, namar bun ki jaka ha khappd ki bym don jingtei eiei na Meghalaya ne u Syiem Jirang la shu kam lut da ka Assam”.

Kumta, na ka seng ka kyntu jur ia ka sorkar MDA hapoh ka jingialam u Myntri Rangbah Conrad Sangma ba kan shna noh da kino kino ki jingtei kiba barit ne ki kam pynroi kum ki skul, surok bad kiwei ban lait ka jingshah kyntur pud ha ka sorkar Assam.

Namar kumba long mynta katei ka jaka don hapdeng ka saw ka sian na ka jingai lad u Syiem Jirang ban tih maw bad khyndew ha ki khar Assam bad bun ki jaka lum ki la kylla madan bad suki ki poi sha Assam.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet