Shillong, Jymmang 2: Ka Deputy Commissioner jong ka East Khasi Hills District kala pynbna bala pynjlan ia ka korphiew miet hapoh ka nongbah Shillong ban iada na ka jingsaphriang ka khlam COVID-19, ban iada na kane ka jingpang la pynjari ia korphiew miet.
Ka Deputy Commissioner ka East Khasi Hills District kala ong ban teh lakam ia ka jingpur ka khlam COVID-19 hapoh ka District bad ha ka jylla Meghalaya, ka DC ksls pynjari ia ka kyndon 144 CrPC da kaba pynjarilang ia ka kyndon kaba lai jong ka Regulation bad ka Meghalaya Epidemic Diseases, COVID-19 Regulations, 2020, ka korphiew kan long naduh 10 baje mynmiet haduh 5 baje mynstep haduh ka 9 tarik mynta u bnai.
Kane ka korphiew miet kan nym trei kam na ka bynta ki pulit, ki kynhun shipai, ki kynhun puilit, kiba die lang bad die khutia ha ki dukan dawai, ki kali pynlip ding, MeECL, NEEPCO, Power Grid, ki kali FCI, kiba trei ha ki jaka sumar Corona, ki lat patthai khubor, NAHAI, SMB bad ki tnad phah khubor.
Ia ki petrol pump bad ban pynpoi bam ha ki iing la shah haduh por 11 baje mynmiet. Baroh ki happy ban but ryntih ia ki kyndon bala buh da ka sorkar lyngba ka tnad ka koit ka khiah.
La pynlait ruh ia ka iaid ka ieng ki kali ba kit marbam, kiba kit ia ki kynhun shipai, kiba kit dawai baf ia ki karkhana shna kali ba don ha Surok bah, ia ki nongniah kali hap test katkum ki kyndon. Ia ki korphiew pass lah ban apply lyngba ka onlie @ eastkhasihills.gov.in.
