Ka dei ka kam kiba don ha ka sain pyrthei ban shna ia ki polisi ban kyntiew ia ka rep: Vincent

Shillong, Nohprah 04: U bah Vincent H pala MP jong ka Shillong Parliamentary Konstitwensi haba ia shim bynta ha ka jingrakhe ia ka “2nd Meghalaya Farmers Day” ha Umsning ha Ri Bhoi District la ong ba ka dei kam kiba don ha ka sain pyrthei ban shna ia ki polisi ban kyntiew ia ka rep ka riang.

Haba kren kum u kongsan ha jingrakhe ia kane ka sngi ba kyrpang ki nongrep kumba la pynbha da ka sorkar jylla, la ong ba ha Ri India baroh kawei la rakhe ia kane ka sngi ha ka 23th Nohprah katba ha Meghalaya ka sorkar kala shim ban rakhe ia kane ka sngi ki nongrep ha ka 4th Nohprah.

Kum ki nongrep, don kam ia ka Khydnew ka shyiap, ka Um, Mohkhiew, Wait, Symbai, hap ai dawai, nangta shaei ban dei, ka dei ka kamram jong ka sorkar ban iarap ia ki nongrep na ka por sha ka por.

Namar ka jingkiew ka jigndon briew, ka jingmih kiwei ki kam ka jingkiew ka jingdon ki briew, ki jaka rep kila dang rit na ka por sha ka por bad ki nongrep kila dang duna, dei na kane ka daw ba ka sorkar kala dei ban dang iarap ban dei ia ki marrep, la ai nuksa ka jylla Sikkim kala die ia ki syntiew sha ki ri Europe ia kaba ka sorkar Meghalaya ruh ka lah ban leh.

Ha jingkylli mynta ka long lada ki nongtrei sorkar ki shongthait ha ka rta kaba 58 snem bad 60 snem ki ioh ia ki jingmyntoi, aiu ki hap ban leh na ka bynta ki nongrep pat , ka sorkar kala dei ban wat ia ki lat ki lynti na ka bynta ban iarap ia ki.

U Bah Pala la ong ba u pan jngmut na ka seng Hills Farmes Union kaba la pyniaid ia kane ka jingialang kumno ban leh na ka bynta ban iarap ia ki nongrep ha ka jylla namar ka rep ka riang ruh ka dang kylla wat ha ka pyrthei.

La ong ba kum u MP u la khot ia ki kompeni na Hyderabad ba kin wan jurip ban shna ia ki jaka buh ban pynneh slem ia ki marrep, u bah Pala u la kyntu ba  ki nongrep kin ai jingmut ha kaba ia dei bad ka kam jong ki nongrep.

Kiwei kiba kren ha kane ka sngi ki long u bah Jason S Mawlong MLA ka Umsning, bah Mayralborn  Syiem MLA ka Nongpoh, bah Charles Marngar MDC ka Mawhati, bah D Lamar DHO jong ka Ri Bhoi, bah A Makdoh Chairman ka Umsning Twon Dorbar, ia ka jingialang la pyniaid da u bah R. Shadap bad ia ka kren pdiang sngewbha da u bah L S Bey nongai buid ka seng HFU Ri Bhoi.

Ha kane ka sngi kiba la wan ban ia shimbynta ki long na kylleng ki nongrep ka Ri Bhoi kiba don ha ka seng HFU, ia kane ka jingialang la pynlong ha iing dorbar jong ka Umsning ha Ri Bhoi District.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet