Shillong, Nohprah 06: “Ha ka Kam Shakri ia U Blei ym don spah don phew, ym don kyrdan, ym don rit ne khraw ka long kumjuh” pynsngew U Lyngdoh Sohblei Richard Majaw Vicar General ka Shillong Archdiocese kum u kongsan ha ka Dorbar Pyllun kaba san Jong ka lympung ka Synjuk ka Seng Longkmie Katholik jong ka Shillong Archdiocese ia kaba pynlong ha Shnat Niam St.Joseph’s Laitkor myn ha ka 5 tarik u Nohprah 2021.
Ka mat Phang jong katei ka Dorbar Pyllun ka ba la iatai “U Joseph u la leit ban ai kyrteng ialade bad ka Maria” ia ka la sot na ka Kospel katkum U Lukas lynnong ba Ar Dkhot ba San. Ka Synjuk ka Seng Kynthei Katholik Jong ka Shillong Archdiocese kaba la lum lympung Dorbar Pyllun kaba 5 kaba shisien shisnem ia kaba la pynlong ha Shnat Niam St. Joseph’s Laitkor Jong ka Zone 5.
Hapdeng jong ka jingpyrkhing Ki Bor pyniaid District ban nym shah bun ia Ki longkmie ka Synjuk Ki Seng Kynthei ka Shillong Archdiocese bàn shim bynta ha kaba ka dorbar Pyllun Ki longkmie Katholik na Ki 7 tylli ki Zone Jong ka Shillong Archdiocese Ki la ioh ban wan sngap.
Ha katei ka Dorbar Pyllun kaba 5 u Sohblei Richard Majaw Vicar General U la khot la wer ia ki longkmie ban wan shakri iia U Blei katkum Ki Kam bad Ki sap ba Ki don bad lah ban ài Ia U.
Ha ka Kam Shakri Blei ym don ka jingbuh dor ne buh kyrdan ka Kam Shakri ka long kaba laitluid; Mano ban Ong ba ka Kam Shakri Blei ka donkam ia ka jingstad ne ka jingdonspah lane ka jinglong heh long hain kitei baroh Kim don long ei ei pynsngew u Phadar Richard Majaw.
U Joseph Bakhuid U long ka nuksa ia Ki longkmie ba kum u Longkpa U long U Shakri Jong U Blei ban ban peit ban sumar ia ka Maria Bakhuid ka Kmie U Jisu pynsngew U Sohblei Richard Majaw;. U Joseph Bakhuid U long ka nongmuna ia Ki longkmie ban Shakri ban leit aiti bad sngewrit nàmar ka Maria Bakhuid ban leit kyrteng Khana samari sha Ki nongsynshar pyrthei bad U Blei iathuh U Sohblei Richard Majaw.
Ia Ka Dorbar Pyllun Ki longkmie ka Synjuk ka Seng Kynthei Katholik Shillong Archdiocese ba la dep pynlong la ia synran lang da u Spiritual Director ka Synjuk Ka Seng Kynthei U Sohblei Leo Mary Lyndem U Sohblei Risterland R. Maiong Nongsharai Rangbah ka Shnat Niam Laitkor bad Ki lyngdoh Sohblei baroh ka Jylla Niam Shillong.
Hadien ka Knia ka khriam Ka Synjuk ka Seng Kynthei ka la pynkup burom ia Ki longkmie Ki kit ba bah ia ka imlang ha ka Balang bad ka pule dangle naduh por ba sdang ia ka Synjuk kumjuh ia ki lyngdoh Sohblei Kiba long kum Ki Spiritual Director Jong Ki Zone bapher bapher.
Ka Synjuk ka la ioh ban pynsngew ia Ki mat treikam Jong ka kynhun ha Ki snem ba leit wat Lada don ka jingkhangdam nàmar ka jingpang COVID kumjuh ka Synjuk ka la shim ia ka Rai kaba Ki longkmie Ki la lah ban phylliew jingmut Bad pynsngew ha Ki paid Longkmie Kiba wan ban sngap na ka bynta ka lympung kaba 6 ka ban sa long ha U snem 2022 kata ka dei ” Shi Iing shisem Ngin Im bad U Khrist ha ka Balang bad ka Imlang ka Sahlang”.
Haba pynkut ia ka Lympung Dorbar Pyllun ha Laitkor la pynhiar Noh ia ka Lama Jong ka Synjuk da U Spiritual Director U Sohblei Leo Mary Lyndem ryngkat Ki nongkitkam ka Synjuk bad Ki jingrwai Anthem. Na ka Liang ka Synjuk ka Seng Kynthei Katholik Shillong Archdiocese ka la ài Noh ia ka Lama ha U Spiritual Director bad ka jingpynbna ia ka Dorbar Pyllun kaba 6 ka ban sa long ha Ka Zone 6 ha Shnat Niam Nongpoh.
