Ka Dorbar Ki Khlieh Nongsynshar Ka Ri Hynniewtrep, ka Hima Mylliem.

 

Shillong, Kyllalyngkot 31:Katei ka Dorbar ba la ia lum palat spah ngut ki nongsynshar naduh Shnong, Raid haduh Hima, ba la khot bad pyniaid da u Paiem Latho Manik Syiem, Syiem Hima Mylliem, ha ka jingiadonlang u u Bah John F Kharshiing, Co-Chairman, MIDC, Chairman, Grand Council of Chiefs of Meghalaya, Spokesperson, Federation of Khasi States, u Syiem Khynnah, u Lyngskor Hima Mylliem, ha ryngkat kiba bun ki Myntri, ki Lyngdoh, Ki  Nongsynshar Raid, bad bun ngut ki Rangbah Shnong, ki Secretary Shnong, ki Riew Rangbah bad ki riewkhmat, na ki Shnong bad ki Raid bapher bapher jong ka Hima Mylliem, hadien ka jingiakren ka la rai ban wer ia baroh naduh ki Dorbar Kur, ki Dorbar Shnong, ki Dorbar Hima, ki Sengbhalang, ha ryngkat ki khun ki hajar ban ia mih paidbah ban poi sha ka Dorbar Ri kaba Kyrpang bad kaba Saw, (4th Special Peoples Parliament), kaban long ha ka 13 tarik 2013, ha Mairang, Hima Khadsawphra(Hima Nongkhlaw).

Haba kren ha katei ka Dorbar u Paiem Latho Manik Syiem, Syiem Hima Mylliem u la ong ba ka dei sa tang ka Dorbar Ri kaban long ka STIEH jong ka jaidbynriew Hynniewtrep, bad kumta u la kyntu ia baroh ban shim khia ban ia poi sha katei ka dorbar kaban pynneh pynsah ia kine ki Riti ki Dustur kiba shitom ban iohi ha kiwei ki jaidbynriew. u la ai khublei ia u Bah John F Kharshiing, Chairman ka Dorbar Ki Khlieh Nongsynshar,uba la  im sngi ban lum thup ia ki dulir kiba donkam jong ka jaidbynriew. bad u la ong ba la donkam ban ia tylli lang kawei ha kane ka jingialeh ba kan poi sha ka thong haduh ban da paw kine ki dulir hapoh ka Constitution Ri India.(SP News)

 

 

What Next?

Related Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet