Shillong, Nailur 29: Ka jingiashong dorbar jong ka Khasi Hills Autonomous District Council kan sdang ha ka 27th Risaw 2020 bad kane ka dorbar synrai kan long tang kumba ar lane lai sngi.
U Chief Executive Member jong ka KHADC u bah Titosstarwell Chyne haba kren ha u SP news Agency u la ong ba ka jingiashong dorbar hapoh jong ka KHADC kan sdang ha ka 27th Risaw 2020 bad kan long tang kumba ar lane lai sngi ei ei.
Ha ka juh ka por u la iathuh ba ym pat lah ban ong katno sngi kan long tang ba kan nym bun sngi namar kam dei ka dorbar mang tyngka, haba ia dei bad ki sngi shong dorbar la ong ba ka EC kan dang shong ban ia kren.
Na ka liang jong u CEM jong ka KHADC u la ong ruh ba ka jinglong jingman ka mariang ka dang long ha kane ka rukom ha kaba yn ia shong bun sngi ruh kam pat long, ia ki sngi shong dorbar kin dang hap ban ia pynbeit.
