Ka “Farm Bills” kaba la pdiang ha Parliament kan wanrah ka jingmyntoi ia ki nongrep: Conrad

Shillong, Nailur 21: U Myntri Rangbah ka jylla u Conrad K Sangma mynta ka sngi u la ong ba ka jingpdiang hapoh ka iing dorbar Parliament ia ka “Farm Bills” kan long ka jingkyrkhu ia ki nongrep, ha ka jingshisha ia kane la dei ban leh slem slem bha naduh mynshuwa.

Kane ka bill kan pynlait ia ki nongrep na ka jingshah khniot bad kan plie ia ka iew na ka bynta ki marrep jong ki ba kin ioh ia ka dor kaba kham biang da kaba kin ioh ban die sha ki iew kiba kham heh bad kane kan iarap ban kyntiew ia ka ioh ka kot jong ki nongrep.

U Myntri Rangbah u la ong ba kane ka “Farm Bills” ka long shisha ka bill ka ban iarap ia ki nongrep bad hapoh kane ka bill la kren ruh ia ki nongrep kiba shu shim wai ia ka jaka rep, ha kine ki por kiba la dep kan shym don ha ka rukom kaba dei hynrei mynta la lah ban wanrah ha kane ka bill ban pynbeit ha kaba ki nongrep kin ioh ia ki jingmyntoi.

Kane ka bill ruh kan plie ia ka lad ban ia treilang ha ka rep ka riang ha kaba ki briew ki lah ban bei pisa ha ka rep ka riang ha kaba ki nongrep ki lah ban ioh ia kane ka jingmyntoi ha ka jingkyrshan pisa bad kane ka bill ka long kaba biang ban kyntiew ia ki nongrep ha ka Ri.

 

What Next?

Recent Articles

Leave a Reply

Submit Comment

*