Shillong, Nailar 21: Ka HYC ka kwah ban pynpaw ba ka Seng ka pdiang kylluid mynsiem bad ka pynpaw ba ka Seng ka dap da ka jingsngew kmen ba ki artylli ki Sorkar kata ka sorkar Meghalaya bad ka Sorkar Assam ki la mut ban ia kren pynbeit biang ia u pud ha ka sien kaba ar ( phase 2) . Ka Jylla Meghalaya ka lah dap 50 snem bad ka por ka lah ieh bha ban pynbeit noh syndon ia u pud ka Meghalaya bad ka Assam .
Ha kane ka jingiapynbeit pud kaba ar ka Seng ka kyntu na ki ar sorkar ba ki dei ban kynthup noh syndon ia baroh ki 6 tylli ki sector ba dang sah kum ka Nongmynsaw ( Langpih ) , Block 1, Block 2, Psiar & Khanduli , Deshdomria ( Raid Khadar Bongthai) , Baridua & Nongwah Mawtamur ym dei shuh ban dang pynsah teng ia kano kano ka sector .
Ha ka kylla kaba nyngkong kila iohi ba ka jing ia pynbeit pud ym Shem la bud tikna ia baroh ki San (5 ) tylli ki mat ba lah ia mynjur ( Five Agreed Principles) kiba kynthup ia ka Historical Facts , Ethnicity , Geographical contiguity , Administative convenience bad Williness of the people.
Ha ka bynta kaba nyngkong kila iohi ba la pynshong Nongrim than eh tang ia ka mon ki paidbah kynthup ia ka mon ki nongshong wai bad ki nongshong thap hynrei ia ki trai jaka ym slem la sngap shuh . Ia ki historical fact bad ia ki kot ki sla lei ym Shem la pyndonkam ha ka jingpynbeit pud kaba nyngkong.
Kaba kham ithamula eh ka long ha ka phase 1 ia ka jinglap bad ia ka jingai jingmut ki Regional Committee na Meghalaya ym Shem la pdiang .Nalor latta kaba sngewsih eh ka long ba ha shwa ban soi ia ka MoU ka sorkar Meghalaya ka khem pyntip ne panjing kyrshan na ki Dorbar hima , Dorbar Raid , Dorbar shnong bad na ki artylli ki District Council.
Kane ka jingleh ka sorkar Meghalaya ha ka phase 1 ka la pynsngew sih ia kiba bun bad ka Meghalaya ka la duh noh kumba 18 sq km tam eiei ka khyndew . Da ki phew tylli ki shnong bad ki jaka ki hima khasi ki la poi noh sha Assam ha kane ka phase 1 bad ka la pynbor ia ki hima khasi ba ki hap leit shaduh ingkashari .
Kumta ka HYC , wat la ngi pdiang ia ka jingthmu ka sorkar ban ia pynbeit pud , ngi dawa ba ka sorkar Meghalaya kam dei shuh ban dan bakla ha kane ka pali kaba 2. Ngi kwah ban kren Shai ba ka sokar ka dei ban da pan jingmut bad sngap ia ki Shnong , ki Raid bad ki hima khasi.
Ki ar tylli ki District Council kata ka KHADC bad JHADC ki dei ban don bynta naduh ba sdang haduh kaba kut ka jingpynbeit pud bad ka sorkar ka dei ban da ia pynshong Nongrim bha ia ki San tylli ki mat ia pynbeit ym ban Shu sngap beit tang ia kaei kaba ka sorkar Assam ka kren ne pynbor.
Ka jingiakren pynbeit pud ka dei ban long ha ka jingiaburom mar kylliang hapdeng ki ar sorkar ym ban long Jeep ka Assam bad trailer ka Meghalaya . Ka HYC ka kwah ban iohi ba ki shnong bad ki jaka ki hima bad elaka Khasi Pnar ki dei beit ban hap ha Meghalaya khnang ba kata ka jingiapynbeit pud ka long kaba shongkun bad kaba pynkmen ia ki paidbah ka Bri u Hynniewtrep la ong u bah Robertjune Kharjahrin President HYC.
