Shillong, Nailur 18: U bah banshai Marbaniang shongknor jong ka kynhun Awakening India Movement jong ka Meghalaya state Unit la ong ba kane ka “World Wide Rally” kiba bun ki briew kim tip kaei kata ka kynhun, kane ka kynhun ka long ban iada ia la ki jong ki riew paidbah ha kylleng saw dong jong ka pyrthei na ka daw jong ka jingshah pynbor ban ai ia ka Tika COVID-19.
Haba kren ha ka jingialang kaba la pynlong ha Jaiaw Lum pylon u bah marbaniang u la ong ba kim dei ki stad saian kiba ieng ha katei ka jaka ban kren bad ki doctor ki dei tang ki nongsumar ia ki nongpang kin nym lah ban batai, kane ka jingpynbor ha kane ka jylla Meghalaya ban ai Tika da kaba khlem burom shuh ia ka kynhun World Wide Rally.
U bah Marbaniang u la ong ba ka World Health Organsation kaba dei kaba kongsan ha ka pyrthei bad dei kane ka kynhun kaba ai ia ka jingmynjur haba pyndon kam ia ki dawai, u bah Marbaniang u la kren shai ka Awakening India Movement kam pyrshah ia ka jingai Tika, hynrei ka ieng pyrshah ia ka jingpynbor ban ai ia kane ka Tika.
Ka India Awakening Movement ka pyrshah ia kane ka jingpynbor ban plie dukan ruh ha kata ka por ban bam ja ruh ha kata ka bor la kynnoh u bah Marbaniang ia kaba ka sorkar India baroh kawei ka pyntrei kam bad kane kala ktah ia ki long iing kiba kamai mynsngi bad bam mynmiet.
“Ka seng kam pyrshah ia ka sorkar namar ka sorkar ka dei ka jong nga bad ka jong phi ka dei ka jong u paidbah bad ngi dei ki paidbah kiba jied ia ki MP, MLA, MDC, ki Syiem, ki Sordar bad ki rangbah shnong ruh, mano ba ai bor ia ki hato ym dei manga maphi, ngi ki dei ki nongthep vote kane ka long lyngba ka riti synshar jong ka Ri India katkum ka article 326 kala kren shai ba kito kiba la kot 18 snem ki la lah ban thep vote” la ong u bah Bashai.
U bah Bashai u la ong ba ka seng kala iaid naduh u bnai Jymmang mynta u snem ba kila iaid da kaba buh jingkylli ia ka sorkar balei phi khang ia ki skul, ka sorkar ka ong ba ka don ka Corna Virus ka don balie na ka bynta kito kiba bam pang ka sorkar kam khang namar ka jingdih sikret balei ka sorkar kam khan ia ka jingdih sikret.
U shongknor jong ka India Awakening Movement jong ka Meghalaya state unit la ong ba ka jingdih sikret, dih kyiad, drok ka wanrah ia ka jingpang kaba bun jaid ia kaba ym lah ban ker kyrteng, hynrei kane ka jingpang kaba mynta la khang haduh ba kala ktah ia ka kamai ka jih bad katei ka kam bad u bah Bashai u la kyntu ban long kiba kit khlieh.
Ka Indian Awakening Movement ka iing ban dawa ia ka hok katkum ka riti synshar jong ka Ri India hynrei haba phai sha ka jylla Meghalaya ka long ha ka umdum namar bun na ki nongmih khmat ki dei ki bym don ia ka jingnang jingstad, kim don ia ka jingsngewthuh kaei kata ka hok jong ki paidbah, ka seng ka ai ka jingiaroh ia ka Deputy Commissioner kaba la ai ia ka jingbit ban don kane ka jingiaid paidbah, kum ka seng kala ia wer ia ki paidbah ban ia mih sha kane ka jingiaid paidbah namar ka don ka jingkit khlieh na ka bynta kalawei .
Ha kane ka jingialang la ong ba shuwa ban ai sha ki briew dei ban ai shuwa sha ki mrad, hynrei mynta la ai sha ki briew, la ong haba shitom dei ban leit sha ki dotor, hynrei ki dotor kin mym lah ban batai ia ki dawai namar ia ki la shna da ki stad saian, la pynkut u bah Marbaniang ha ka jingkren jong u.
