Ka jaka jngohkai pyrthei kaba don ha Mawryngkhang ka long kaba kyrpang: Babu Kular

Shillong, Jymmang 02: Ka jaka jngohkai pyrthei (Tourist Spot) kaba itynnad, kaba kham pher, kham iphylla bad  kham kyrpang tam mynta ha Meghalaya bad wat ha Ri India hi ruh ka long kajaka jngohkai (Tourist Spot) kaba don ha u Mawryngkhang uba la ju tip kum u Syiem jong ki Mawbah Mawsan kaba jngai tang kumba shi kynta eiei na shnong Wahkhen da ka lynti iaid kjat. Ia kane la shem bad sakhi da ka Adventure Team jong ka Youth Hostel Association of India, Meghalaya State Branch ha ka jingleit iaid kjat (Trekking) ban leit jngoh (visit) ia utei u Mawbah uba kyrpang tam na baroh ki Mawbah ha Meghalaya bad wat ha Ri India hi baroh kawei ha ka 29-04-2017. Ki nongshim bynta ha katei ka sngi ki long 200 tam kynthup ia ki Khasi , Naga, Manipur bad na kylleng ki State ka Ri India ruh. Ki don ruh 30ngut ki Local Tourist Trekking Team lem bad kumba 100ngut eiei ki trai shnong kiba la wan ban ia snoh ban ia shimbynta shitrhem ha katei ka jingleit iaidkjat.

Kawei na ki jingphylla tam kane ka jaka ka long ba tang shu mar iasdang rung sha kane ka jaka (Tourist Point), hap ban iaid da ki lynti step bala shna da ki jingkieng-dieng suda. Kham niar ba phin iaid ha lynti ba siang ne buh da ki maw ne ym pat don lynti dewbilat(cemented path) hi ruh ha kane ka jaka. Ki nongjngohkai pyrthei(Tourist) ki hap ban iaid da ki lynti bala shna step-by-step tang da ki jingkieng-dieng suda. Haba dei ba dei pat ki dei ban iaid da ki jingkieng siej ha shiteng riat bala pynsnoh na kawei ka tmier jong ka riat rashing sha kawei pat. Ki jingkieng dieng(wooden ladder)bad jingkieng siej(bamboo suspension bridge) ban kiew bad ban hiar lyngba ki mawramsong ba itriem ki long pat kiba skhem bad ba shngain shibun ia ki Tourist. Ki don ki wah, ki kshaid rit ban ioh shandur bad bamja (lunch) kaba ibang bad ishongkun shibun. Naduh basdang ka lynti haduh ban da mih na katei ka jaka(point) hap iaid beit da ki jingkieng dieng(wooden ladder) bad jingkieng siej(bamboo ladder and bamboo suspension bridge). Ki nongwan peitkai ha katei ka sngi ki pynpaw ba ym pat ju don tourist spot ha Meghalaya kiba phylla bad ba kyrpang tam kum katei ka jaka.

Ban kiew pat ha utei u Syiem ki Mawbah Mawsan, don ki jingkieng siej kaba skhem bad ishongkun bha kaba poi shaduh ki kliar(summit) jong utei u Maw. Naduh ki khynnah rit, ki samla haduh ki tymmen ki kro ruh kim syier satia ban kiew sha khlieh jong utei u Mawbah. Dei tang kiba la iohkiew ha khlieh (summit) jong utei u Maw kiba sngewthuh ia ka jingsnewtynnad(enjoy), ka jingsngewbang bad ka jinghun mynsiem hi jrut khlem jingbabe eiei shuh.

Kaba phylla ka long ba katei ka Local Tourist Trekking Team na Wahkhen kala lah ban trei hi da ka bor met da kaba pynlut ia ka por, ka bor, ka sngi ka synia, ka pisa, etc ban pynbit pynbiang bad shna kum kane ka jaka kaba phylla haduh katta katta. Lada shu antad ia ka jinglut ba ka bynta ka jingtrei bad jingpynbha ia katei ka jaka nadong shadong la antad ba kan ym duna shuh ia ka 5(san) lakh tyngka. Kata ruh tang ha ipor iba lyngkot mynta dang tang 3(lai) bnai eiei. Katei ka Tourist Spot kam pat ioh satia kino ki jingiarap ne jingmyntoi na ki bor Sorkar ne nongmihkhmat paidbah(MLA/MDC) wat tang shi pisa ruh ia katei ka jaka haduh mynta lait noh tang ka donation bala iohlum na kito kiba wan jngohkai sha katei ka jaka.

Na ka liang ka Local Tourist Trekking Team Wahkhen ka la buh da ki nongleit pyni (guide) na ka bynta kito ki tourist kiba kwah ban leit peit ne jngoh ia katei ka jaka. Ka dor sngi(guide charges) ka long Rs 500/- shi kynhun nalor ka donation ba ki lah ban ai kat ba ki sngewdei ne kotbor ei khnang ban lah ban kham pynbha(maintain) shuh shuh ia katei ka jaka. Kino kino ki kynhun(group/team) naduh ki riew shimet(individual), ki family members, ki skul, etc ki lah ban leit jngoh ne sakhi dalade hi ia kum kane ka jaka ba phylla bad ba kyrpang tam ha Meghalaya bad ia ki jingtip ba kham bniah(detail information) lah ban ioh da kaba phune ha kine ki numbers: 9436111103, 9615706410 lane 9863317964.