Shillong, Nohprah 08: U President jong ka UDP u bah metbah Lyngdoh u la ong ba ka jingbakla hapoh jong ka KHADC ka long ba u Lamphang jong ka iing dorbar u bah Pynshngian Syiem u thep vote ha ka sngi ba long ka ilekshon jied Chief Executive Member.
U bah Metbah Lyngdoh president jong ka UDP u ba dei ruh u shongknor jong ka iing dorbar thawain ka jylla u la ong ba kaei kaba la jia ka long ba kam shym la jia ha ka lynti ba dei ban iaid. Na ka liang jong ki MDC ka UDA ki weng noh ka long ban pyrshah ia ka jingleh jong u lamphang.
Ka jingtip ba ki long khatsaw, khatsaw ka dei na ka mat bym don jingshaniah shuh kein, hynrei kaei kaba la jia ka long ba u Lamphang u la bakla ba u thep vote ha ka sngi jied ia u CEM, kane kein kaba u la bakla.
U Presdient ka UDP u la ong ba u Lamphang u lah ban but tang ha ba ka don ka mat bym don jingshaniah shuh, hynrei ha ka ilekshon ruh u vote kane u la bakla na ka liang jong u Lamphang.
