Shillong, Jylliew 12 : U Bah PT Swakmie, MLA barim hynne ka sngi u la pynpaw ba ki paidbah ka jylla ki la mih shakhmat ban pyrta jam, wat pynlehraiñ ia ka jylla Meghalaya.
“Ki paidbah ka jylla ki la mih shakhmat ban pyrta jam, wat pynlehraiñ ia ka jylla jongngi, katno ka long kaba pynkmen ban iohi baroh ngi ia long kawei halor ka jingshah kren beiñ ha ki bahaiing hasem u Raja Raghuvanshi bad ka Sonam, ha ki National News, ki briew nabar, mynta ka kyrtoh kylla,” ong u Bah Sawkmie.
U ong ruh, “Kaba sngewkmen ban iohi baroh ki nongshong shnong ki ia mih ryntih shakhmat, naduh ki seng bhalang, ki longkmie long kpa ban dawa phah panmap na kito kiba la pynlehraiñ ia ka jylla jong ngi.”
“Kane ka paw ba mangi ki nongshong shnong ka Meghalaya ngi ieit ia la ka jong ka jylla bad la da don mano mano bapynjah burom ngin ym aili satia.”
