Shillong, K.Lyngkot 28: Ka State Bank jong ka Ri India kala buh ia ka SBI Mobile ATM ha phyllaw Ganesh Das Hospital Shillong bad ka jingdon kane ka Mobile ATM kala iarap shibun ia ki briew kiba leit shah sumar pang ha katei ka Hospital sorkar haba ki don kam pisa.
Kiba bun kiba leit ban shah sumar ha kane ka hospital ki dei na kylleng sawdong jong ki lum khasi bad ka jingdon kane ka Mobile ATM ha phyllaw kala iarap shibun ki kiba leit ban shah sumar ha katei ka jaka haba ki don kam pisa ban thied ia ki dawai bad kiwei ki jingdon kam.
Ka jingmyntoi kaba kongsan eh ka leit sha ki nongkyndong namar ki ATM kiba don ki jngai na kane ka Ganesh Das Hopsital, kane ka buh ia ki nongkyndong ha ka jingeh hynrei ka jingbun ka State Bank ia kane ka Mobile ATM ha phyllaw jong ka Hospital kala iarap ia baroh kiba shah sumar ha kane ka hospital sorkar.
Katkum ka jingtip kaba la ioh la ong ba kane ka SBI Mobile ATM ka don hapoh phyllaw jong ka Ganesh Das Hospital baroh shisngi katkum ka por trei kam jong ka Bank.
