Ka jingdon ki CCTV ha ki shnong ka iarap ban ioh kem ia ki riew sniew: R Sutnga

Shillong, Nohprah 07: U Bah Ransom Sutnga haba plie ia ka CCTV hapoh jong ka shnong Wahthapbroo u la ong ba ka jingdon ia ki CCTV ka iarap ban ioh kem ia ki ningleh kam sniew. U la ong ruh ka iarap ban pynshynrain ia ki nongleh kam sniew haba ki tip ba don ki CCTV.

U la iathuh ba ha ka sien kaba nyngkong la buh ia ki CCTV hapoh jong ka shnong Wahingdoh, bud sa ka mawkhar bad mynta ka dei ka Shong Wahthapbroo. U la ong ba ka CCTV ka long ka bynta kaba khraw ha kylleng ka pyrthei.

La iathuh ba da ka jingdon ia ki CCTV kala iarap ia ka shnong Wahingdoh bad kum juh ruh ia ka shnong mawkhar. La ong ba da ka jingdon ki CCTV ki nongdih Drok kila shynrain mynta ban wan ha kitei ki shnong bad kyrmen ba kane kan iarap shibun ruh ia ka shnong Wahthapbroo.

Kumba ka long mynta ha shnong Wahthapbroo la pyndait lai tylli ki CCTV, bad na ka liang jong u bah Ronsom u la ong ba ka jigndon ia ki CCTV ka long ban wanrah ia ka jingshong suk shong shngain hapoh ka shnong ka thaw bad kane kan iarap ban kem lada ki don ki briew kiba wan na sha bar shnong.

Ha kaba plie ia kane ka CCTV hapoh jong ka shnong la ia don lang ki riew rangbah bad ki long kmie bad ki samla jong ka shnong ban ia sakhi lang, ha ka juh ka por ha kane ka sngi la plie ia ka Taiewleh kmen jong ka shnong Wahthapbroo.

Ia ka jingialang la pyniaid da u bah Secretary shnong, la kren pdiang burom da u rangbah shnong u bah Jop Rymbai bad ia ka jingkren ai khublei la kren da ka kong Suk Shullai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet