Shillong, Rymphang 06: Ka kong Claudia A Lyngwa superintendent ki pulit ba dei peit ia ka East Khasi Hills District kala ong ba ka jingiahap kurim hapoh ka 14 snem, ban ong ba ki ia monlang yn nym lah ban pdiang.
Haba kren ha ki lat pathai khubor ha dien ba la dep ban shah khot ha khmat jong ka House Committee jong ka iing dorbar thaw ain ka jylla kaba la tip kum ka “Committee on Women Empowerment” kaba la khlieh da ka Dr Ampareen Lyngdoh ha MLA Hostel mynta ka sngi kala ong ba ka jingong ba ki ia monlang kam dei ban mih namar ba kane ka dei ka khynnah ha khmat ka ain.
La ong ba ka jingshisha halor ka jingjia ha ka 29/01.2020 halor ka jinglap ia kawei ka khynnah na Madanriting ia kaba la pyntip sha ki pulit ha ka 30/01/2020 da kiba ha iing ha kaba la ai ruh da ka jingthoh sha ki pulit kumba la suba da baroh ba ka kynnah ka shah rahbor bad sha leh beijot ha ka kynhun ka la ka bym dei.
Namar ka jingtieng ia kiba ha iing ha sem ba ka dei kaba dang khynnah kala shuthaw ban iathuh ia kaei kaba la jia, hynrei ka jingong ba ia monlang kumba la long da ka MLA ba ka ktien ia mynjur lang kan nym mih namar kane ka dei ka khynnah kaba dang 14 snem, lane kino kino kiba dang khynnah yn nym lah ban ong ba ki ia monlang ban ia hap kurim.
Na ka liang jong ki pulit kila buh ia ka jingkyrpad hapoh ka iing bishar ba katkum ka jingujor kaba nyngkong kaba la ai da ka kmie jong ka khynnah ba ia ka khynnah la rahbor bad la leh beijot da ka kynhun ba ia kine ki bynta dei ban weng noh.
Ka jingthoh kit mynta kan long katkum ka ain jong ka POCSO Act, halor kane ka kyndon ia u nongniah ia ka bus la kem naduh katei ka 30 tarik bad la leh katkum ki kyndon jong ka ain namar ha khmat ai ain nym lah ban ong ba ki ia monlang haba dang khynnah. Ka jingong ba ka shah leh beijot ha kiba bun kam don ei ei kaba kum kata.
