Shillong, Rymphang 24: U Myntri rangbah ka jylla mynta ka sngi u la ong ba na ka liang jong ka sorkar Meghalaya, kum u myntri rangbah ka jylla u la kren ia u myntri rangbah ka jylla Assam u Sarbananda Sonowal bad u la ong ba dei ban don noh ia ka jingiakynduh ha pdeng ki ar ngut ki myntri rangbah ban ia kren halor ka kam pud kam sam.
Haba ia dei bad ka jingdon ki shipai hapoh ki bynta jong ka jylla Assam ha jan Langpih, u Conrad u ong ba na ka liang jong u myntri rangbah ka jylla Assam bad u Director General ki pulit jong ka ylla Assam kila ong ba ka jingdon ki shipai ha kato ka sngi ka shu jia ryngkhat ba ki iaid lynti hynrei kam don jingiadei ei ei ruh em bad ka jingjia ha Umawli.
U Myntri rangbah u la ong ba ha ka jingiakren bad u mytnri rangbah ka jylla Assam la ong ba na ka liang jong u myntri rangbah ka Assam u la pynthikna ba na ka liang jong ka Assam kam shym la ai kano kano ka hukum, hynrei ki shipai ki don la ka jong ka jingiaid lynti kaba dei hapoh Assam kam don jingiadei ei ei ruh em bad ka jingjia ha Umawli.
Na ka liang jong u Chief secretary, u Director general ki pulit, jong ka jylla Meghalaya u Deputy Commissioner bad u Superintendent ki pulit jong ka West Khasi Hills District kila ia kren ha ka kyrdan jong ki kila ia kren ban peit ba kan nym don kano kano ka jingiapynthud ha khappud.
Na ka liang jong ka sorkar kala phah ia u MLA jong ka Nongstoin u Bah Macmillan Bursat ban leit sha katei ka jaka, na ka liantg jong ka sorkar kala ioh ia ki jingpyntip na baroh ki liang la ka dei na ka liang jong ka sorkar bad kum juh na ki riew shimet. Na ka liang jong ka sorkar ka ai ka jingkular ba ka sorkar kan ialeh ban pynneh ia ka shong suk shongsain.
U Myntri rangbah u la iathuh ba u MLA jong kane ka jaka u Bah Kimfa S marbaniang ruh u la leit sha katei ka jaka. U myntri rangbah ka jylla u la aithuh ba ha ka jingiakren bad u myntri rangbah ka jylla Assam u la ong ba ymdei ban ia pynthud ha khappud, ban ia bat ia ka kular ba ym dei ban ia pynthud ha khappud kaba mut ka “Status Quo”.
