Shillong, Kyllalyngkot 16: U Myntri Rangbah ka jylla u Conrad K Sangma mynta ka sngi la ong ba ka jingiakren ia suk bad ka seng HNLC kan iaid beit bad ka sorkar ka angnud ban don ka jingsuk kaba neh ba sah hapoh ka jylla.
U myntri rangbah ka jylla u la kubur ba ka seng HNLC kala phah ia ka jingthoh sha ka sorkar ia kaba yn nym lah ban iathuh paidbah bad ka sorkar jylla kala phah sha ka sorkar pdeng ba ka jingiakren kan poi sha ka thong.
Haba jubab ia ki jingkylli hato ka jingkhot hajir ka national investigation agency kan ktah ktah ia ka jingiakren ia suk, u myntri rangbah la ong ba kan nym don jingktah ia ka jingiakren ia suk, la ong ba ka jingiakren ia suk kan iaid beit.
Ka sorkar ka angnud ba kane ka jingiakren ia suk kan iaid sha khmat bad ban poi sha ka thong na ka bynta ban pynioh ia ka shong suk shongsain, ia ki jingwit kiba hangne hangtai lah ban ia pynbeit ban poi sha ka jingsuk.
