Ka jingiakynduh hapdeng ka Bangladesh bad Meghalaya ka long ba don kam: RV Suchiang

Shillong, Nailar 20: Ka kong RV Suchiang Additional Chief  Secretary jong ka jylla Meghalaya kaba dei peit ia ka tnad kam poh iing mynta ka sngi kala plie ia ka jingialang kaba shisngi jong ki District Magistrate bad Deputy Commissioner  hapdeng ka Ri India bad ka Bangladesh kiba dei jong ka jylla Meghalaya.

Ha ka jingkren plie jong ka kong Suchiang kala ong ba kane ka jingiakynduh ha pdeng ka Bangladesh bad ka Meghalaya ka long kaba don kam, ha kaba ia ki jingleh lah ban ia pynbeit ban ia kren markhmat  lada ki don kino kino ki jingeh ha khappud hapdeng kine kine ki ar tylli ki Ri.

Ka Additional Chief Secretary kala kdew ba na ki rai kiba la shim ha u snem 2015 ha kum kane ka jingialang kila kdew shai ba ki don kirai kiba kongsan bha bad don ruh ia kiba la buh teng. Kala ong ba ia ki jingeh ym lah ban ia pynbeit tang ha ka shisien hynrei lyngba ki jingiabeteng ia ki jingiakren la lah ban pynbeit ia ki.

Na ka jingiakren kala paw shai ba ka Ri Bangladesh ka kwah ban don noh ia ki Border Hat ia kaba ynsa plie noh shen, ha Ryngku, Bholaganj bad Gumaghat bad ka Huroi kin dang ia pynbeit. Ha ka juh ka por la pynpsngew ba yn shna ia ka Integrated Check Point ha Shella bad Borsora.

Ka Kong Suchiang, kala ong ba kane ka jingialang kan long ruh ka kabu ban ia kren ia ki  briew kiba la shah set haphatok kiba don ha India bad Bangladesh,namar ha kane ka jingiakynduh mynta ka sngi ki don ki Bangladesh Border Guard jong ka  Bangladesh bad kum juh ki Border Security Force jong ka India.

Kine ki ar kynhun ki shipai iada khappud ki lah ban ia pynbeit na ka bynta ban leh kumno ban ioh ban pynlait noh ia ki koidi kiba don ha ki pathok jong kine ki ar tylli ki Ri la ha India ne Bangladesh.

Ia ka jingkren pdiangburom ha kane ka jingialang la ai da ka Deputy Commissioner jong ka East Khasi Hills District ka kong Matsiewdor War Nongbri. Ha ka jingkren jong ka kala ong ba ia kane ka jingialang la pynlong ha dien ka jingia kynduh jong ki joint secretary jong kine ki ar tylli ki Ri.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet