Ka jingiakynduh ka KSUP ia u President ka UDP ka long halor ka ILP bad ktien khasi:Egenstar

Shillong, Risaw 19: Mynta ka sngi “Ka Sur U Paidbah” kala leit ban ia kynduh ia u President jong ka party United Democratic Party (UDP) u Bah Metbah Lyngdoh ban ia kren bad ban pynsngew halor ka jingpyntrei kam ia ka Inner Line Permit (ILP) ha ka jylla bad ban ioh ban pynrung ia ka ktien khasi ha ka khyrngit kaba phra jong ka Riti synshar jong ka Ri India.

Haba kren ha ki Lat pathai khubor ha dien ka jingiakynduh ia u Bah Metbah Lyngdoh, u secretary jong ka KSUP u Bah Egenstar Kurkalang u la ong ba ha kane ka jingiakynduh na ka liang jong ka party UDP ruh ka don ka juh ka jingangnud kumba kwah ka kynhun.

Ha kane ka jingiakynduh kila ia kren ruh halor ka jingujor jong ki lai ngut ki briew na Ichamati sha u Lat jong ka jylla pyrshah ia ka jylla bad ka jingkynnoh ka long kaba khlem nongrim haei haei ruh bad ki paidbah ki sngewthuh ia kane bad na kane jong ka kynhun ka kwah ba ka shnong suk shongsain ha kane ka jylla kan dang ia bteng kumba juh long.

Na ka liang jong ka KSUP ka pynrem jur ia kane ka jingleh jong kito ki lai ngut ki briew kiba la pynthoh bria ia ka jylla baroh kawei, la kyntu ba u Lat jong ka jylla ruh um dei ban sngap ia kune kine ki jingkynnoh kiba khlem nongrim bad ha ka juh ka por ka sorkar ruh kam dei ban shu ai lad ba kin ia kyntoh khlem daw.

U Nongialam jong ka KSUP u la ong ba kine ki briew ki kwah ban wanrah ia ka jingiapher jaidbynriew bad ia kane yn nym lah ban pdiang da lei lei ruh em, kane ka jingleh jong kine ki briew ym tang ba ki pynklumar ha kane ka jylla hynrei kin sa leh ruh ha kiwei ki jylla jong ka Ri India.

Katkum ka Riti Synshar jong ka Ri, la ai iala ka jong ka jong ka bhah ha ki jylla, la ong ba kum u khasi lada u leit sha West Bengal yn nym lah ban kam ia ka hok kumba kid ei ban ioh ki trai shnong ha ka juh ka rukom ha kane ka jylla ruh kiwei kim lah ban ioh ia ka hok kumba ioh ki trai shnong.

U Bah Rasting Thabah Chaimran ka KSUP, u la ong ba kum ka kynhun kane ka dei ka sien kaba lai ba kila ia kynduh ia ki seng sain pyrthei ban ia kren ia kine ki mat, kaba nyngkong kila ia kynduh ia ka party Congress, kila ia kynduh ia ka PDF bad mynta ia ka UDP bad kin sa leit ruh ban ia kynduh ia kiwei ki party.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet