Ka jingialang ba khyllem ka Dome ka iing dorbar thawain kan long la shai: Ransom

Shillong, Jymmang 22: u bah Ramson Sutnga Executive Engineer jong ka tnad shna iing jong ka sorkar u la ong ba la shai ka sngi kan don ka jingialang ban ia kren halor kane ka jigntwa ka Dome ka tnum jong ka iing dorbar thawain ka jylla.

Haba kren ha ki lat pathai khubor mynta ka sngi ha phylla jong katei ka iing dorbar thawain kaba dang shna ha Mawdiangdiang la ong ba ha kane ka jingjia kam shym don kano kano ka jingjia ba sngewsih, kaei kaba la mih ha ki lat pathai khubor ba la ong ba don kiba khlad ka long kaba bakla kam dei kaba shisha.

U bah Ramson la ong ba don bok ba kane ka jingkhyllam ka jia ha ka por miet jin da kala jia ha ka por ba ki dang ia trei kam kan long ka jingiam briew kaba khraw namar ha katei ka jaka ba don ka Dome man ka sngi ki kiba trei kim duna ia ka 45 ngut.

Haba ia dei bad ka jingkhyllem ka Dome u la ong ba ym pat lah ban ong ei ei namar ki dang hap ban shong lashai ka sngi ia ka jingialang ba ia kren, ha kaba ka tnad shna iing kan don lang, ka kompeni na Delhi kaba la ai ia ka jingdro bad ka HPC kin ia kren ban lap ia ka daw namar na ka liang jong ki kila pyntrei kam kut ka jingdro kaba ki la ioh.

U bah Ramson u la ong ba na ka liang jong u yn jinda sngew kmen lada ka don ka kynhun tohkit halor kane ka jingkhyllem ka Dome ban lap ia ka jingshisha ban lait na ka jingia kynthoh, lada don ka jingtohkit kan iashai la ka dei na kano ka bynta kaba la pynlong ia ka Dome kan khyllem la ka dei na ka jingtrei u kontraktor, ne ka Tnad shna iing ne na ka jingdro.

La ong ba kane ka iing dorbar thawain ka don lai bynta ka bynta kaba shatei, ka bynta kaba ha pdeng bad ka bynta kaba shathie, kine ki bynta kim shym shah ktah ei ei ruh em kaba ktah dei tang ia ka Dome kaba hap ha ka bynta ba kan don ka iing dorbar ka iing baroh kawei kan shym shah ktah. Da kane ka jingjia kan shim por biang la kumno kumno sa shiphew ne khatwei bnai ban pyndep ia ka iing dorbar.

La ong ba ban pynkhuid ia ka Dome kaba khia haduh 70 tone kan shimpor la kumno kumno ar taiew ei ei bad ia kane ka kane ka Kompeni kaba pyntrei mynta kan hap ban ban pynkhuid namar man ka por ba ki siew Bill ki juh ot ia ka pisa ban buh kum ka jingshngian ba lada don kano kano ka jingjia kin pynlut na kato ka pisa.

Halor ka jingkynnoh ba la shu pyntrei sted ba sa khyllem kane ka Dome, u bah Ransom u la ong ba kata ka jingkynnoh kam dei kaba shisha namar ki but katkum ka jingdro ia ka jingpyntrei ia kane ka iing, la ong ka jingong ban pyndep kloi ka don hynrei kim lah ban shu leh ia kata namar ki hap ban bud thik pathik ia ka jingdro. Ka jingong ban pynkloi kam dei pat ban ktah ia ka jigntrei.

U Nadeem Kausor manager jong ka Kompeni ba pyntrei ia kane ka jaka u la ong ba ka khubor kaba la mih ba ong ba don kiba khlad san ngut ka long kaba bakla kam shym don kum kata ka jingjia, la ong ba jinda kala jia ha ka por ba dang treikam ym lah shuh ban tip kaei ban jia namar man ka sngi ki don 200 ngut ei ei kiba trei ha kane ka iing dorbar.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet