Shillong, Kyllalyngkot 06: Ka jingialang ba nyngkong jong ka Kynhun Youth20 kan long ha Guwahati naduh ka 6 haduh 8 tarik u Rymphang, 2023. Kane ka dei kaba nyngkong jong ki summit ki ban long halor ki san tylli ki phang Y20 ha ki skulbah ha kylleng ki jylla ha India ha shuwa jong ka Youth-20 Summit.
Ha kaba iadei bad ka jingpeit ia ka jingpynkhreh ia kane ka jingialang ba nyngkong, u Myntri u la leit jngoh ia ki jaka bapher bapher ban long ki prokram Y20 kum ka IIT Guwahati, Sankardev Kalakshetra bad kiwei kiwei bad u la iakren bad ki ophisar ka Sorkar Jylla bad kiwei kiwei kiba don bynta ha kane ka kam.
