Shillong, Nailur 04: Da ka jingrung u bah M Kharkrang sha ka party BJP u heh pulit ba la shongthait noh khlem pat dei por na ka kam, kala pynlong ba kin don lai ngut ki kyrtong kiba kwah tiket na ka BJP ban ia khun ia ka elekshon MLA 2023 na ka 18-Shillong North Konstitwensi.
Ki lai ngut ki kyrtong kiba la pan tiket ki long u bah Martamlin Pyrbot MDC barim ka KHADC, u bah Michael Kharsyntiew ba dang shu rung shen sha ka party BJP a kine ki khyndait bad u bah M. Kharkrang bala rung sha ka party BJP, kitei baroh lai ngut ki pan tiket ban ia khun ia ka MLA.
Kiba bun na ki nongalam ka BJP ki dang peit la u bah J A Lyngdoh bala ia khun na ka BJP na kane ka konstitwensi uba la lah ban ioh vote haduh 5116 vote la un dang pan tiket ne em na ka party namar haduh mynta umpat pynpaw ei ei ha kaba ia dei bad ka elekshon MLA ban long ha u snem 2023.
Ki thymmei khubor kiba ia jan bad ka BJP ki la pynsngew ba ka party kan nym kular tiket iano iano hynrei ka rai kan shong na ki shnat jong ka party jong ka kontstitwensi ia no yn ai tiket haba ym don MLA ne ki MLA ban pyniasoh bad ka party kane ka nongrim jong ka BJP.
Kane kan jingpynkhreh ka BJP na ka bynta ka MLA elekshon MLA kaban long ha u snem 2023 kan long ka juh ia baroh ki konstitwensi ha ka jylla ka rai kaba nyngkong ia no ban ai tikiet kan long ha ki shnat jong ka party kiba don ha ki konstitwensi.
