Ka jingiakren pynbeit pud hapdeng ka Assam-Meghalaya ha ka kylla kaba ha Guwahati

Shillong, Jymmang 24: Ka jingiakren pynbeit pud hapdeng ka jylla Meghalaya bad Assam ha ka jylla kaba ar hapdeng u Conrad K Sangma myntri rangbah ka jylla Meghalaya bad u Himanta Biswa Sarma kala sdang mynta ka sngi ha State Guest House kaba don ha Koinadora, Guwahati Assam.

Ka jingiakren pynbeit pud ha ka wat ka ba ar sien hapdeng ka jylla Meghalaya bad jylla Assam kaba la shimpor palat 14 bnai ha kaba u Conrad K Sangma bad u Himanta Biswa ki la dep ban ia soi ia ka soskular ia sngewthuh jingmut ban ia pynbeit ia ki jaka ba don hapdeng ka jingiakam kaba mar kylliang.

Ka mat ba hapdeng eh jong kane ka jingiakren ka long ban pynbeit noh ia ki 6 tylli ki jaka ba dang sahteng ki ba kynthup kum ka Langpih, Boridua, Nongwah-Mawtamur, Desh Doomreah, Block- I bad Block-II, bad Psiar-Khanduli.

Kum ban shu pynkynmaw ha ka 29 tarik bnai Lber 2022 Ki arngut ki myntri rangbah na ki artylli ki jylla ki ba la dep ban ia signed ia ka soskular ha nongbah New Delhi ha ka jingsakhi lang u Myntri Kampoh iing ka sorkar pdeng ka ri India u Amit Shah.

Ka jingiasoi ia ka soskular ha khmat u myntri kam poh iing ka Ri India ka long ia ki hynriew tylliki jaka, kiba kynthup Hahim, Gizang, Tarabari, Boklapara, Khanapara-Pilangkata bad  Ratacherra

Ha ka jingiakren mynta ka sngi ia u myntri rangbah ka jylla Meghalaya la synranlang da ki ar ngut ki symbut mytri rangbah u bah  Prestone Tynsong bad Snaiwbhalang Dhar, la don lang u bah Comingone Ymbone myntri sorkar u Chief Secretary bad ki ophsiar, ia u Myntri Rangbah ka jylla Assam u  Himanta Biswa Sarma, la synran lang da u myntri u  Atul Bora bad Pijush Hazarika ha ryngkat ki ophisar.

Ha kane ka jingialang  la shim ia ka rai ba ki Myntri Rangbah  jong ki artylli ki jylla kynthup ia ki kynhun myntri, ki regional committees jong baroh Arliang kin pynlong ia ka jingleit jurip ha Block-I bad Block-II bad ban phah ia ka khubor na ka bynta ka shong suk ka shong sain.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet