Shillong, Naiwieng 02: U National President ka party NPP u Cornad K Sangma u la ong ba kine ki ar tylli ki konstitwensi, ka Mawryngkeng bad Rajabala ki dei ki konstitwensi kiba la jop da ka congress.
Ka NPP ka juh wan balai lane saw, ha u snem 2013 ka NPP ka ioh tang 450 vote ha Rajabala bad ha u snem 2018 ki ioh tang 4800 vote hynrei mytna kila ioh 11823 vote, kane ka jingjop mynta ka long ba kila kiew jan dop 7000 vote,ha ka juh ka rukom ha Mawryngkneng ruh kum juh.
U Nongialam ba rangbah ka NPP u ong ba kane ka jingiakhun mynta ka long kaba eh shisha hynrei ki paidbah kila ai ka jingshaniah namar ki kam kiba kane ka sorkar ka trei ia kaba ki paidbah kila iohi ha kaba ki paidbah kila ai ka jubab kaba shah kdar da ki briew jong kitei ki ar tylli ki konsitwensi ia ka sorkar bad kum juh ha Mawphlang kaba kila ai ka jingshaniah ia kane ka sorkar MDA.
U Cornad u la ong ba ha ka por ilekshon kala don ka jingshah kynnoh kaba laphew skher na ka liang pyrshah hynrei na ka liang jong ka NPP kan shym la kynthoh kylla hynrei kaei kaba kila leh na kila kren ka long beit tang na ka bynta ka roi ka par bad ki paidbah kila jubab da kaba pynjop ia ka NPP.
Haba phai sha baroh kawei ka dong shatei lam mih ngi jong ka Ri India, ka Congress kam shym la lah ban jop wat tang kawei ka konstitwensi ruh bad kane ka dei ka dak ka shim kaba ka congress ka ia kynduh ka jingeh bad ka congress kala dang hiar katba dang mih ki sngi.
U Myntri Rangbah ka jylla u ai khublei ia ki paidbah kiba la pynjop ia ki kyrtong ka NPP bad UDP ka mut ka jingjop jong ka sorkar MDA, u myntri rangbah u ai khublei ia baroh ki nongtrei kiba la trei shitom ha kaba baroh lai tylli ki konstitwensi la jop da ki kyrtong ka sorkar MDA.
U bah Prestone Tynsong u la kdew ba ha ka por ilekshon ka party congress kala kynnoh laiphew skher ia ka sorkar hynrei wat hapdeng kine ki jingkynnoh ki paidbah kila ai ka jingshaniah ia kane ka sorkar kaba la ialam da u Conrad K Sangma bad u ai khublei ia ki briew jong ki lai tylli ki Konsitwensi.
Ha kane ka sngi nalor kitei ki ar ngut ki nongialam la don lang u State President ka NPP u Dr. W R Kharlukhi, u bah Sniawbhalang Dhar nongbat pla pisa jong ka sorkar NPP bad kiwei ki nongialam.
