Shillong, Kyllalyngkot 17: U President jong ka Ri America u Donald Trump u la pynbna ba u bmai kyllalyngkot un long u bnai ba la niew kum ka jingpynlait luid ia ki briew na ka jingshah khaii, mynta u snem ka dap 20 snem naduh ba la pynlong ain ia ka “U.S. Trafficking Victims Protection Act of 2000”.
Haba ia dei bad kane ka jingpynbna jong u President ka Ri America na ka liang jong u U.S. Consulate General Kolkata’s u la pynlong ia ka jingialang ha Guwahati ryngkat ka jingiatreilang bad ka kynhun Shakti Vahini ban ia leh pyrshah ia kane ka kam khaii briew, nalor katei la pynlong ruh kum kane ka jingialang ha Ranchi bad Patna.
Ka jingthmu jong kane ka long ban ai bor shuh shuh ia ki samla ba kin lah ban long ki ksiang ban ialeh pyrshah ia kane. Kane ka jingialang ka long ban pynsngewthuh ia ki briew ha kaba ia dei bad ka jinglong jingman bad ka rukom leh katkum ka riti dustur jong ki. Ha dien jong kane yn pynkut da ka jingialang paidbah ha Kolkatta. La ong ka Director Monica kaba dei peit ia ka U.S. Consulate General Kolkata.
Ha kane ka jingialang kaba la long ha Guwahati la ong ba ha ka shisnem ka jingkhaii ia ki briew ha ka pyrthei baroh kawei kala kot sha ka 24.9 million ngut, kiba bun na kine kiba shah khaii dei ki kynthei bad ki khynnah. Na ka liang jong ka Ri America kala shim ia ka rai ban ialeh tyngkeh ban pynkut ia kane ka kam khaii briew.
Ha katei ka jingialang la don lang ruh ki heh pulit jong ka jylla Assam, jong ka sorkar pdeng bad bun ki riew paw khmat. Ha kine ki 20 snem ka America kala ialeh ban iarap bad weng ia kane ka jingeh. La ong ruh ba mynta u snem 2020 yn long u snem ba kyrpang ban iada na ki kam khaii briew.
