Shillong, Jymmang 28: U Symbut myntri rangbah ka jylla u bah Prestone Tynsong u la pyntip ba ia ka jingkhangdam ha East Khadi Hills District kan dang bteng haduh ka 7th Jylliew 2021 por 5.00 baje mynstep.
La bthah ia ka Deputy Commissioner ka East Khasi Hills District ban peit ba ka kingdom ki marbam hapoh ki dukan ha ki shnong ki thaw kin biang.
Ha kane ka por khangdam ha East Khasi Hills la shah ba kin pynpoi ia ki kingdom kam ha ki iing tangba hal ban ioh jingbit na DC ophis.
Ka sorkar ka dang pyrkhing ia ka jingiarung ia mih ki briew na kiwei ki District sha East Khasi Hills lane ban leit na East Khasi Hills sha kiwei ki District.
Ki ophis jong ka sorkar pdeng bad jong ka sorkar jylla kin plie tang kito kiba la pynbna ha ka 18/5/2021 da ka tnad kam poh iing, katha kiwei kin dang hal ban khang.
La shah ia ka State Bank ka Ri India ka tnad trei kam ba hehduh ha Meghalaya, ka Shnat SBI Laitumkhrah bad ka Shnat SBI Secretariat kin plie ban pyniaid ia ki kam jong ka sorkar, katha kiwei ki bank kin plie ha ka 31/5/2021 bad 1/06/2021 haduh 4.00 baje noh phai sngi jong kitei ki ar sngi. Katba ophis jong ki iing dak kin plie haka 2,3 bad 4 tarik Jylliew 2021.
La shah ia ki jingia khaii ia ka ba la tip kum ka e-Commerce, la shah ban plie ia ki dukan die rong , die tiar nar, tin bad kiwei yn shah ban plie katkum ka kingdom kam.
Ki jingtrei ban shna kino kino ki jingshna ba dei jong ka sorkar ne ki riew shimet ba ki nongtrei kila don lypa ha ki jaka trei la shah ban trei ha dien bala ioh jingbit na ka DC. Ia ki jingtrei shispah sngi ha ki nongkyndong la shah ban trei, kum juh ka rep kwai, die kwai bad synsar la shah ha ki nongkyndong.
Na ka bynta ki ban leit ontep la shah tang shiphew ngut kata ruh ha dien bala ioh jingbit na DC ophis.
La pyntip ruh ba la pynlait na kane ka jingkhangdam ia kiba trei ha ka tnad ka koit ka khiah, ki dukan dawai dielang, ki dukan dawai, ki pulit, ki shipai, kiba trei light, kiba trei ha IPR, ki lat pathai khubor, kiba kit marbam, kiba trei ha ka tnad sam bam.
