Shillong, Lber 23: ka jingkren ban shim noh ia ka tnad bording na u James K Sangma bad ban weng ia u CMD jong ka MeECL kam wan na u President jong ka party UDP, hynrei dei ka jingkren kaba mih syndet na u Dr Jemino Mawthoh, la ong u bah Nicky Nongkhlaw president ka shnat ki samla ka party NPP.
Haba kren ha ki lat pathai khubor u president ka shnat ki samla ka party NPP u bah Nicky u buh ka jingkylli ia u Dr Mawthoh balei shim tang ia kane ka kam bording balei um kren ia kiwei ki tnad sorkar, kum ka Social Welfare, Education ka NPP ka kren ia kane namar ia ka shithi kaba la phah sha u Myntri Rangbah ka jylla u Conrad K Sangma la soi da u Dr Mawthoh.
Na ka liang jong ka NPP ka kyntu ia u Dr Mawthoh ba ym dei ban long arsap bad bad la kynnoh ba u long kum u nongai ktien jong ka party Congress, kane ka jingpynlip ding ka kham jur ha ki sorkar kiba mynshuwa ban ia kaba mynta ban shuwa dawa ban shim noh ia ka tnad kam dign na u James.
Kumba ka long ka party UDP ka dei kaba ia treilang bad ka sorkar kaba la ialam da ka NPP, na ka liang jong ka NPP kala shim khia ia kane ka kam ba kin pynbeit ia ka jingeh ha kaba ia dei bad ka kam bor ding ha ka jylla bad kumba ka long mynta ka jingkynnoh ka long kaba khlem nongrim.
Kumba ka long u myntri ba dei peit ia ka tnad kam bording u James K Sangma bad u CMD kila ia trei bor bah ban ia pynbeit bad ka NEEPCO, ban kynnoh ba ka sorkar kam leh ei ei ha kaba ia dei bad kane ka jingeh ka long kaba ym lah ban pdiang namar kane ka jingeh jong ka MeECL kam dei kaba mynta.
