Ka jingkyllei kam khaii masi sha Bangladesh dei bym shim khia ka sorkar:KJBA

Shillong, Nohprah 31: U President jong ka Khasi Jiantia Butcher Association (KJBA) u bah Generous Warlarpih, u la ong ba ka jingjyllei jong ki nongkhaii masi beain sha Bangladesh ka dei na ka daw jong ka jingbym shim khia jong ka sorkar Meghalaya.

Haba kren ha u SP News Agency u bah Warlarpih u la ong ba ki nongotdoh mynta ki ioh ban thied ia ki masi kiba la tam kyntait na ki nongkhaii beain sha Bangladesh namar kim lah shuh ban thied namar ka dor kala kiew palat.

La iathuh ba na ka liang jong ka seng KJBA kala pan na ka sorkar jylla ba kan ai ia ka jingithuh ia ka seng kum ki nongkhaii masi hynrei ka sorkar kam treh ban ai ia kane ruh bad kane kala pynshlur ia ki nongkhaii beain.

Ha ka juh ka por la iathuh ba ka kyndon kaba la mih thymmai mynta ka long ba lada ki shipai BSF ki kem ia ki masi kim lah shuh ban die lilam ia ki, hynrei ki hap ban ri bad lada iap ka masi ki hap ban ai jingkhein.

Haba jubab ia ki jingkylli, u la ong ba ka jingdon kam masi ban ot doh ha ka shitaiew kan long kumba 2000 tylli ki masi ha baroh kawei ka Ri Khasi Jiantia, hynrei ka jingpoi ki masi ha Khanapara kan nym duna ia ka 2000 tylli ha ka shi sngi.

U Bah Warlarpih u la kren bynniaw ruh ia ka jingbym don lem ki paidbah ban ai jingmut kumno ban ia leh pyrshah ia kane ka jingkhaii masi beain sha Bangladesh kaba la ktah shisha ia ka dor ha iew ha hat, lada ka seng ka leh ei ei ki shah kynnoh ba ki kwah ban pynkiew dor ha iew ha hat.

Haba ia dei bad ka Transit Pass la ai da ki nongwai iew bad kine ki nongwai iew kim tip sha ei ka masi kan leit. La ong ba lada ka sorkar kam leh ei ei ha kaba ia dei bad kane  ka iew die masi kan poi sha ka jingeh namar ba ym lah ban ia khlieh dor bad ki nongkhaii beain sha Bangladesh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet