Shillong, Risaw 27: U Symbut Myntri Rangbah ka jylla u bah Prestone Tynsong u la ong ba lada ka don kata ka jingshah ban bein jong kita ki briew Bengali ha Ichamati bad Bholaganj balei kim wan ban ujor sha ka sorkar jylla.
Na ka liang jong u symbut myntri rangbah haba kren ha ki lat pathai khubor u la ong ba kane ka jingleit ujor jong ki lait ngut sha u Lat ka jylla ka lah ban don ei ei kaba long pyrshah ia ka sorkar MDA namar ka sorkar ka shim lang ba baroh ki briew la ki dei na ka jylla ne sha bar ka jylla ki long ki juh.
Kine ki briew lai ngut kiba la kynnoh balei kim lah ban ujor sha ki bor jong ka sorkar, District Administration lane sha Civil Sub Division balie ki hap ban leit sha u lat, la ong ba ki Bengali kiba la sah slem ha kane ka jylla kila pynmih ia ka jingpynshai ba kam don kata ka jinglehbein,ha ka juh ka por la kyntu ia ki paidbah ban nym pynsaphriang ia ki khubor lamler.
Haba ia dei bad ka jingkynthoh jong u lat barim ka jylla kim sngewphylla ei ei ruh em namar u juh mlien ban leh ia ki kam kynthoh klumar bad na ka liang jong u um don ei ei ban ong halor katei ka jingkynthoh kaba khlem pyrkhat, u la juh kynthoh haba dang long u Lat bad haba ym long shuh u Lat ruh u kynthoh klumar.
Haba ia dei bad ka jingiakhun pyrshah ia ka khlam COVID-19 ka sorkar kala shim ia ka rai ba na ka bynta kito ki nongkhaii ba iarung ia mih ha ka jylla ka jingtest ia ki kan long man la ka 10 sngi haba ia dei bad ka bai test ka sorkar kan sa dang pyrkhat biang.
