New Delhi, Nailar 04: U Myntri Khynnah jong ka Sorkar pdeng ba dei khmih ia ka Tnat Science bad Technology bad kiwei kiwei u Dr Jitendra Singh u la ong ba ka North Eastern Space Applications Centre (NESAC), Shillong kan pyntreikam 110 tylli ki projek ha phra tylli ki Jylla jong ka thain shatei Lam Mihngi hapoh u 2024.
Kane ka long katkum ka jingpyntip ha iing dorbar thawain Rajya Sabha, u Dr. Jitendra Singh u la ong ba ka NESAC ka la pynkhreh ia ka phang trei kam bad ki tnad ba dei khmih ia ki phra tylli ki jylla. Kine ki jingpyntrei ki iadei bad ka kam rep, ban pynneh pynsah ia ka ki um kiwah, ki khlaw, ka mariang bad ka jingpnkhreh ia ki kam pynroi da kaba pyndon kam ia ka, UAV Remote Sensing bad Disaster Management Support, da ka jingbei tyngka na ka MoDONER, ki Sorkar jylla.
Ka NESAC ka la wanrah bad kot sha ki mawmer kiba khraw na ka bynta ka thain Shatei Lam Mihngi, ki kynthup ia ka Ka jingpyntreikam ia ka North Eastern Spatial Data Repository (NeSDR), Ka jingithuh ia ki jaka ba lah ban kyntiew ia ka kam thain jain bad rep soh.
Ka Remote Sensing katkum ki kam ba iadei bad ki khlaw ki wah katkum ki map, Ka Geospatial system ban peitngor ia ki jingtei ba bei tyngka da ka MoDONER bad ka jingjurip ia ka jingbuh jingthoh ia ka hok long trai ha ki khlaw, ban ai jingtip lypa ia ka jingshlei um ha Assam da ki riew shem phang naka BIMSTEC.
Ka jinglum jingtip lyngba u Satellite ban pynbeit ia ki jingiakajia pud hapdeng ki jylla ka thain shatei lam mih ngi kala sdang katkum ka jingai jingmut ka tnad kam poh iing ka sorkar pdeng
Ka North Eastern Space Applications Centre (NESAC), Shillong, La seng ha u snem 2000, ryngkat bad ka North Eastern Council (NEC), ka NESACkadei ka kynhun laitluid hapoh ka Dept. of Space (DOS) ban ai jingtip ba iadei bad ka space teknoloji bad ki kam ai jingshakri na ka bynta ka roi ka par jong ka thain shateilammihngi.
Ka NESAC ka pyntreikam ia ki projek remote sensing application na ka bynta ki lad jingiada ia ki jingdon jingem ka mariang& ka jingkyntiew ia ki jingdon jingem, ki application katkum ka satellite communication ha ka pule puthi, ka jingkyrshan ha ka koit ka khiah bad ka jingiada na ki jingjialynshop ka mariang, bad ka jingai jinghikai ha ka space teknoloji bad application.
