Shillong, Kyllalyngkot 29: U Bah Ernest Mawri president jong ka BJP Meghalaya State Unit mynta ka sngi u la ong ba ka jingkynnoh jong u President ka NPP Meghalaya State Unit halor ka jingiatreilang bad ka Congrss ha GHADC, la ong ba u president ka NPP u dei ban kynmaw ba ki dkhot jong ka NPP kiba la shah jied ki dei na ka kyiad kaba rim kaba la thep ha u bilor thymmai la pyniasyriem.
ha ka kyrwoh kaba la phah mynta ka sngi la ong ba ki dkhot kiba la shah jied ki lah ban pynneh pynsah ia la ka jong ka thymmei bad lada ki don ki dkhot ba kim hun ia ka jingtrei kam jong ka liang synshar kiba la bat ia ka bor wat la kila don ha ka jingduna paid, la ong ba ka jingkhang ka plie ia ki dkhot ba kin ai don lang ha kano kano ka kynhun kiba don ia ka jingbun paid.
La ong ba kane ka jingkren ka long kaba byn don nongrim,u la ong shuh shuh ka long thik kumba u khiew u khot ia u ketli u ba iong, ka jingkren ka bym don nongrim ka long kaei kaei kba sngew thamula namar la khlem krenia ka jingshisha la iathuh tang shiteng ia kaei kaba jia.
kane ka jingpyrshang ban pynpra ia ka party BJP la ka long ha ka sorkar jylla lane ha ki District Council. kane ka mih namar ba ka Executive Committee ka ia kynduh ia ka jingeh kaba shisha bad kata ka dei ka jingpyniaid bakla la kynnoh u president ka BJP u bah Ernest Mawri.
Ka jingshisha ka long ba ka jingkyrshang ban weng ia ka EC habpoh jong ka GHADC ka long ban pynbeit ia ki kynrum kynram hapoh jong ka KHADC. La ong ba ki paidbah jong ka Garo Hills ki tip kham bha ia ka jingtrei kam jong ka Exectuive Committee, la pynkut u president ka BJP Meghalaya State Unit.
