KA  JINGRAKHE KA HIMA NONGKHLAW IA KA SNGI IAP U TIROT SING SYIEM MYNSHWA BAD MYNTA HAPDENG KA KHLAM COVID-19 da u Babu Boldness Lyngdoh Nongum, Myntri Hima Nongkhlaw

Manla ka snem ngi ju rakhe kynmaw ieit kynmaw burom ia la u syiem ba khraw , u khla ka wait u ba la aiti ia la ka jingim ban iada ia ka hok lait luid jong ki khun ki hajar ka hima bad ruh  na bynta ka Ri baroh kawei. U Tirot Sing u la khlad noh ha ka 17 tarik u Naitung jong ka snem 1835 kum u koidi (State prisoner) ha Dhaka.

Ia kane ka jingiap u Tirot Sing, u S C Scott, u magistor ka Dacca ba dei peit ( incharge ) ia u Tirot sing u la pyntip mar mar da ka shithi kaba dated July 18 1835 sha u officiating Commissioner of Circuit Dacca Division kumne:-

‘U Tirot Sing Syiem u koidi (state Prisoner) hapoh ka jingpeit jingkhmih jong nga u la khlad noh hynnin ka sngi ha ka por 1 P.M’

Ia kane ka shithi u Commissioner ha kajuh hi ka sngi u lathoh sa kawei pat ka shithi da kaba suh lang ia ka shithi u magistor  sha u Secretary to the Government Political Department Fort William  Calcutta. Kum ka jingpyntip ia  u Governor ba don burom jong ka Bengal.

Lyngba kine ki shithi ar tylli, ngi sngewthuh haduh katno wat ka Sorkar Bilat kaba la set bindi ka burom ia kane ka jingiap jong u Tirot haduh ban da pynpoi jingtip wut wut sha u Governor ka Bengal. Hooid ngi tip baroh ba katno sien ka sorkar Bilat ka ka khroh ia u Tirot ban pynllait noh ia u napoh byndi ba un leit shimti biang ia ka khet syiem tang lada u kloi ban kohnguh ia ka jing pyniaid jong ka kaba  la  pynlong ia u Tirot Sing ban kyntait mardor ia kaba kum kata ka jingtyrwa bad ban ong ia kine ki ktien, “ Kham lah kaba iap kum u paidkar hapoh byndi, ban ia kaba long syiem mraw ha la ka ri.”

Ia ka jingrakhe ia ka sngiiap u Tirot Sing, ngim da tip bha naduh mynno ka sdang hapoh ka hima nongkhlaw hynrei ngi tip shai ba ha ka snem 1952 ki khun ki hajar ka Hima Nongkhlaw hapoh ka jingialam U Syiem  Kedro Manik Syiem ki la rai ban tei mot ia u Tirot da kaba wad ki lad ki lynti kumno ban leh ban ioh tei mot ia u . Kumta da ka jingianoh synniang lang bad buit bad bor la lah ban buh ia u Maw  Nongrim ha Mairang kaba long ka Head Quater jong ka hima Nongkhlaw ha ka 15 tarik u Nohprah 1952 da u Shri. Jairamdas Daulatram Governor ka Assam jong kato ka por.

Ka shim por tang shisnem lai bnai ia ka Hima ban tei ia u Mot Tirot u ba jrong 12 phut da ki maw marble ryngkat bad ki jingker (fencing) ba i shongkun shong khia ia kaba mynta ngin nymioh i shuh iaka namar la dep pynpra bad la tei da ka wei pat ha ka rukom ka juk mynta, La plie ia u ne u mot da u juh hi u Governor u ba la buh ia u Maw Nongrim kata U Shri. Jairamdas Doulatran ha ka 29 tarik u bnai Lber 1954 ha ka jingia don lang ryngkat u Mr.Medhi, u Chief Minister ka Assam u ba la ai uh ka jingkren na lor u Governor.

Ha kane ka sngi la tuid u paidbyllen, u khun u hajar ka Hima na ki dong bad ki shnong ba pher ba pher sha ka wei ka madan phlang jong ka Mairang ba la tip haduh mynta kum ka madan Mot Tirot ryngkat bad ki riam tynrai ban pynphuh pynphing ia ka . Ki sur jong ka ksing bad ka Tang Muri ki sawa jam ban leh kmen ha kane ka sngi ki rang bad ki thei sotti ki rwai ki shad ban pyni nam ia la ka jong ka lariti.

Ka ne ka rukom rakhei ka la khei im biang ha ki ne ki khyndiat snem ba la dep ha shuwa ban wan ka khlam COVID-19. Ngi ia kynmaw ba haden ba la dep ki Offical Function (Part-I) la pynbud da ki jing ia kob rwai bad shad tynrai jong ki khynnah Skul bad College ha ba ki briew ki mih na la ki jong ki ing ki sem ban pyndap ia ka madan. Wat la ka dei ka jing rakhei sngi iap hynnrei ki briew ki shim ia kane ka sngi kum ka jingrakhei ban pynneh pynsah la ka riti ka dustur bad kyntiew shuh shuh ia ka sap rwai, sap shad, sap-tem sap pud ban pynneh ia la ka jong ka Culture. Hynnrei ka ba sngew sih ka long ba mynta la ar snem kynthih, ngim ioh shuh ia ka tei ka rukom rakhei na ka jingdon ka khlam CORONA VIRUS ba la hap ban bud ryntih ia ka jing bthah ka (Protocol). Jong ka Sorkar

Kane ka snem mynta kan long kumjuh. Ka jingrakhei ia ka lyngkhuh sngi iap kaba 186 jong u Tirot Sing da ka Himamynta ka snem ka hap long kat kum ka jing ai jingbit ka Sorkar. Kata ngim lah ban ia lum bun briew. Ka Sorkar ka ai jingbit ia ngi kum ka Hima tang lai phiew ngut ban rakhei ia kane ka sngi kata ruh hap ban ia shong jngai kumba 6 phut i wei ia i wei ryngkat ka deng Mask bad ka thit kti jan jan.

Ha ka jingshisha, u Syiem bad ka Dorbar ki la kwah eh ban pynlong ka jingrakhei kaba heh bha mynta u Snem 2021 namar ki ne ki daw bah harum.

  1. Ka jing pliei pyrda ia u Mot dur shi ryngieng jong u Tirot sing Syiem kynthup ia ka jing pynwan dur thymmai ia ka jing ker kynroh (fencing)
  2. Ka jing plie pynrda ia ka Ryngsan (Permanent Stage)
  3. Ka jing pynbha ia ka Madan, kynthup ia ka jingker fencing baroh sawdong, ka jing shna ia ka jaka Parking kali bad ia ka jing plie ia ka Children’s Park ha poh kane ka madan.

Na bynta ki tei ki kam ba rad bah ka jing sngewnguh ka leit sha u Bah Deng Met-Bah u ba la pynioh ia ki tei ki Scheme na ka tnad jngoh kai pyrthei (Tourism Department) jong ka Sorkar Meghalaya.

Ka jing plie bad pyrda ia ki tei Project baroh ju pyndep hi da u Nongmih khmat kane Constituency u ba long ruh u Speaker bad don burom ka Meghalaya Legislative Assembly     kum ku kongsan bad u Bah C.V.D.Diengdoh IAS Director Tourism Department kum u synbud kongsan.

Namar ka jingdon ka ne ka khlam COVID-19 yn nym lah ban pynlong ki jingialang bah heh kumba la ong ha neng. Kumta Ka Hima ka kyrpad ia khun ki hajar ba kin nym sngew ei ei hynnrei ai ba ka mynsiem jingieit, jingiatylli kan iait suh thied ha pdeng jong ngi kum ba la ialam lynti da u Tirot Sing

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet