Shillong, Jylliew 21: Ka North Eastern Institute of Ayurveda bad Homoeopathy (NEIAH), bad ka Raj Bhavan, Shillong, ka lah rakhe ia ka 11th International Day of Yoga ha Convocation Hall, NEHU, ha kane ka sngi 21 tarik Jylliew 2025.
Ka programme ka lah sdang da kaba pynkup burom ia I Kongsan, Dr. M. Ampareen Lyngdoh, Hon’ble Minister jong ka Health & Family Welfare, Meghalaya, Information and Public Relations Dept., Law dept., Agriculture and Farmers Welfare Dept., Government of Meghalaya, bad ia u Dr. B.D.R. Tiwari, IAS, Commissioner & Secretary ia u Hon’ble Governor jong ka Meghalaya.
Ha ka jingkren pdiang burom jong u Dr. B.D.R. Tiwari, u lah pynpaw ia ka jingdonkam ka yoga bad ka bynta jong ka NEIAH ha ka ban pynsaphriang ia ka Yoga.
U Prof. (Dr.) Vijay Kumar, Director (i/c), NEIAH, ha ka jingkren jong u u lah kyntu ia ki samla bad pynshai ia ka jingmyntoi ka jingleh Yoga na bynta ka jingkoit jingkhiah ka met bad ka jingmut jingpyrkhat. Kum shi bynta jong ka programme lah pynlong ruh ia ka Common Yoga Protocol da ki nongleh Yoga ba lah tbit.
Ha ka jingkren jong I Kongsan, I Dr. M. Ampareen Lyngdoh, I lah ban ia ka jingdonkam ban pynsaphriang ia ka yoga ha ka imlang sahlang bad hapoh ka shnong kylleng, na ka bynta ka Ri ban pynmih ki khun samla kiba koit ba khia ha ka met bad jingmut jingpyrkhat.
Lah bud ruh da ka jingsam prize ia ki nongshimbynta ha ki competition bapher bapher. Lah pynkut ia ka jingialang da ka jingkren khublei na u Dr. Pradip Mohurle, u Organiser jong ka IDY 2025, NEIAH.
Ha ki bnai ba lah dep lah pynlong ruh ia ka jingsam ia ki 1500 tylli ki jingthung sha ki college bad office ban pynkiew ia ka jinglong jingbha jong ka mariang .
ki jingiakop kum ka Yoga Asana, painting bad photography, Ka Yoga Protocol Demonstrations ba lah pynlong ha ki skul, ki college, ki office bad ki jaka jngohkai pyrthei ha kylleng ka jylla Meghalaya. Ki jingkren shaphang ka Yoga ha All India Radio bad Doordarshan Shillong, ban pynsaphriang ia ka jingmyntoi jong ka yoga.
