New Delhi, Nailar 11: U Myntri Sorkar Pdeng ba dei khmih ia ki tnad Kam PohIing bad Cooperation, Amit Shah u la leit iashim bynta ha ka Sugar Industry Symposium and National Efficiency Awards 2022-23 jong ka NFCSF kum u kongsan mynta ka sngi ha New Delhi. Ha kane ka sngi, u Shah u la ai ia ki khusnam National Efficiency Awards sha ki cooperative jong ki jaka pynmih shini
Ha ka jingai jingkren, u Shah u la ong ba ka ri jong ngi ka la sakhi ia ka kam cooperative bad ba la slem mynta ba kane ka la long ka bynta kaba kongsan ha ka deiriti jong ngi. Ki jylla kum ka Gujarat, Maharashtra, Tamil Nadu bad Karnataka ki la ialam lynti ha kane, u la bynrap.
U la ong ba hadien ba ka ri ka la ioh jinglaitluid, ka kam cooperative kam shym la ioh mad ia ki jingkylla bad namar kane ka la sahkut ha tang katto katne ki jylla.
U Shah u la ong ba u Myntri Rangbah Duh, Narendra Modi u la shim ia ka rai ban sdang ia ka Tnad Cooperation kaba kyrpang jong ka Sorkar Pdeng bad hadien kane, ngi la iohi shibun ki kam kiba iadei bad ki cooperative.
U Shah u la ong ba ha kine ki 10 snem ba la dep, hapoh ka jingialam jong u Modi, ka ri ka la kiew shaphrang ha baroh ki bynta. U la ong ba ngi la lah ban kyntiew ia ka jaka ba rep pai da kumba 18 per cent na ka 5 million hectare ha u snem2013-14 sha 6 million hectare, ha tang 10 snem.
Ka jingpynmih pai ka la kiew da 40 per cent na ka 352 million ton ha u 2013-14 sha ka 491 million ton mynta. Kumjuh, ka jingseisoh ka la kiew da 19 per cent bad ka jingpynmih shini da 58 per cent.
Haba ianujor bad ka jingbym don ei ei ka jingpynkynriah ia ka shini sha ka jingpynmih ethanol ha u 2013-14, mynta ka jingpynkynriah haduh 4.5 million ton ka shini ka dei kaba la ai jingmynjur na ka bynta ka jingpynmih ethanol.
Ka kam pynmih shini ka ju pynmih 38 klur liter ka ethanol ha ki por ba la dep bad don tang katto katne kiba pyndonkam ia ka, hynrei kane ka la kiew sha ka 370 klur litre mynta. U Shah u la ong ba ka jingmyntoi jong kane ka la leit sha pla jong ki nongrep.
U Shah u la ong ba ka jingrai kum ka polisi jong ka Sorkar Modi halor ka jingkhleh ethanol ka la pynduna ia ka jinglut jingsep ha ka jingshalan mar nabar ri, ka la kyntiew ia ka mariang, ai jingmyntoi ia ki nongrep bad kyntiew ia ka jingiohnong jong ki jaka pynmih shini.
U la ong ba ka Sorkar Modi ka la pynthikna ban wanrah ki jingmyntoi kiba bun sha saw jait ki kam lyngba ki rai kiba kongsan ban shah ia ka 20 per cent ka jingkhleh.
U la ong ba la peit bniah ia kane ka kam da u Myntri Rangbah Duh lyngba ka Kynhun ki Myntri kaba peit ia kane ka kam bad shim ia ki rai man ka 3 bnai bad ba ka dei namar kane ba ngi la lah ban kot sha ki thong ha kaba iadei bad ka jingkhleh ethanol shuwa ka por ba la buh.
U Myntri u la ong ba haba ka Biofuel alliance ka la lah ban ai jingtip sha kylleng ka pyrthei shaphang ka jingmyntoi na ka jingkhleh ethanol, kiba ioh jingmyntoi tam kin dei ki nongrep bad ki jaka pynmih shini.
U la ong ba ka Sorkar Modi ka la kyntiew ia ka ioh ka kot bad ka jingioh kam ha ki jaka nongkyndong lyngba ki cooperative. Ngi la trei ruh ban ioh ia ka jingshngain ha ka bording, ka jingkyntiew ia ka mariang bad ka roi ka par kaba iaineh jong ki jaka pynmih shini.
U Shah u la ong ba u Modi u la buh ia ka thong khleh 20 per cent ka ethanol shuwa u 2030 hynrei ngin kots ha kane ka thong shuwa kane kaba long shuwa u 2025-26. U la ong ba na ka 5,000 klur litre ka petrol ba die, ka jingdonkam ethanol kan long shih hajar klur litre.
U Shah u la ong ba ngi dei ban trei khnang ba ki jaka pynmih shini ki long kiba ioh nong. U la ong ba ka Sorkar ka kloi ban ai jingkyrshan ia ki jaka pynmih biofuel bapher bapher.
U la ong ba ka NAFED kan thied 100 per cent u riewhadem bad ki shana dai na ki nongrep ha ka Minimum Support Price (MSP). U la ong ba ka jingriewspah jong ki nongrep ka dei ka thong jong ngi. U Shah u la ong ba na ka bynta ka ethanol ba pynmih na u riewhadem bad ki siej, ka Sorkar ka la buh ia ka dor kaba heh tam kaba long T 71.86 ia man ka litre.
U Shah u la ong ba ki cooperative kiba pynmih shini ki la don ka bynta kaba kumba 8 per cent jong ka jingpynbiang ethanol ha u 2022-23, bad ba ngi dei ban kyntiew ia kane sha ka 25 per cent.
U la ong ba ka NFCSF ka la long kum ka nongpyniasoh hapdeng ki jaka pynmih shini bad ka Sorkar, ka teknoloji, ki jingsaindur thymmai bad ki jinglong jingman ha ki iew ki hat.
U la ong ba ka dei ka jingiatreilang jong 259 tylli ki jaka pynmih shini bad ba 9 tylli ki kynhun ha ki jylla ki iatreilang bad kane, bad ba kane ka don lad ban nang iar shuh shuh.
U Shah u la ong ba hapoh ka jingpynkhreh kam kaba 10 snem, ka dei ban don ka jingkham bun ki jaka pynmih shini da kaba peit ia ki jaka ba pynmih ia u pai ha kylleng ka ri. U la ong ba ka thong ka dei ban long ba baroh ki jingiohnong na ka jingpynmih shini ka dei ban poi sha ki bank account jong ki nongrep.
U Shah u la ong ba hadien ba la sdang ia ka Tnad Cooperation, ka Sorkar ka la leh shibun ki kam na ka bynta ki jaka pynmih shini. U la ong ba u Myntri Rangbah Duh u la pynduna ia ka khajna ba dei ban siew ki jaka pynmih shini kaba kot sha ka T. 15,000 klur kaba la sahteng la kumba 20 snem mynta.
Ha ryngkat kane, ki cooperative jong ki jaka pynmih shini ki la ia ryngkat bad ki karkhana bad ba la ai mynjur ia ka grant kaba T 1,000 klur kum ka skhim ai ram jong ka National Cooperatives Development Corporation (NCDC), ka ban ai ia ki jingshim ram kiba haduh T 10,000 klur ha kine ki 3 snem ban wan.
U la ong ba u Modi u la pyniar ia ka lad ban kyntiew ia ki cooperative jong ki jaka pynmih shini. U Shah u la ong ba ka kam ban pynduna ia ka GST na ka bynta ki molasses na ka 28 per cent sha ka 5 per cent ka dei kaba la pyndep da ka Sorkar Modi.
U la ong ba lyngba ka rukom treikam kaba peit ia ka lawei, ka NAFED, KRIBHCO, IFFCO bad kiwei kiwei ki la buh ia ka thong ba kine kin kyntiew ia ka jingdie da 25 per cent ha ki 2 snem ban wan.
U Myntri u la ong ba ngi lah ban jam shakhmat haba ngi ngeit ba ngi lah ban jam shakhmat. U la ong ba ka NFCSF ka dei ban don ka thong ban pynkylla ia baroh ki jaka pynmih shini kiba hap hapoh ka jingpeit jong ka sha ki jaka pynmih ethanol, ha ki 2 snem ban wan.
U la ong ba ngim dei ban peit tang ia ki jingdawa. U la ong ba ka rukom treikam kaba pdiang ia ka jingkylla ka dei ban don bad ba ngi dei ban trei da ka thong ban ioh ia ka jingriewspah jong ki nongrep pai.
