Shillong, Nohprah 19: Halor ka hukum jong ka Chief Secretary kaba la mih ha ka 16/12/2021 ka AIM, Meghalaya ka don ban pynshai ba katkum ka affidavit hapoh ka Supreme Court badon burom jong U Dr. P. B. N. Prasad, joint controller, central Drugs standard control Organisation, Directorate General of Health Services, Ministry Of India ha ka 28/11/2021 u kdew shai ba ka jingshim tika covid ka long da ka mon sngewbha (voluntary) hynrei ym da kaba pynbor(not mandatory).
ka Ministry of Health & Family Welfare ha ka FAQ na ka website jong ka, ka kdew shai ba ka jingshim tika Covid ka dei ban long da ka mon sngewbha ba laitluid. ka Meghalaya High Court ha ka jingbishar jong ka ha ka 23/6/2021 ka hukum ba ka jingai tika Covid da ka bor lane da kaba byrngem ka pynkhein ia ki fundamental rules khamtam lei lada ka ktah ia ka jingkamai jakpoh.
katkum ka RTI ba la ioh ha ka 23/8/2021 bad ka 1/10/2021 na ka Meghalaya Directorate of Health Services (MCH & FW) ka ai jubab ba halor ka jingai tika Covid ki nongshong shnong ki don ka hok ban ai jingmymjur ne shim hi ia la ka rai.
Kumta katkum katei ka order na ka miej jong ka Chief Secretary, Meghalaya ka seng ka don ban pynrem ba ka long beaiñ khlem da bud ryntih ia ki hukum jong Ka Supreme Court badon burom kumjuh lem napoh ka High Court badon burom ha ka (23/6/2021).
Ki jingkdew jong ka Ministry of Health & Family Welfare, Government of India bad ka long marpyrshah bad ka RTI ba la ioh na ka Meghalaya, Directorate of Health Services (MCH & FW) da kaba pyrshang ban leh jubor ia ka Jingai tika Covid.
Khatduh ka seng ka don ban pyntip paidbah ba ka seng ka don ka jingiatreilang bad ki rai jong ki Iingbishar ha satlak ka Ri India bad ki jingkdew lynti jong ka Sorkar India da kaba mynjur lang ba ka jingai tika Covid ka dei ban long da ka mon ba laitluid ym da kaba pynbor, kane ka long katkum ka kyrwoh kaba la phah da u bah Banshai Marbaniang Chairman AIM Meghalaya State Unit.
