Shillong, Naitung 12: Ka jingtei ia ka ‘Governor Quest House” ha Tura kala iaid sha khmat bad kaba dangsah dei sa ka kynroh ban ker sawdong ia kane ka jaka ba shna ia kane ka iing sah jong u Lat lada u leit sha Garo Hills.
Haba u SP News Agency u la poi sha kane ka jaka ba dang tei ia kane ka iing shah jong u Lat ha Tura kaba hap hapoh jong ka West Garo Hills la iohi ba ia ki iing la lah ban pyndep bad kaba sah mynta ka long sa tang ka kynroh sawdong katei ka jaka.
Ka jingker ia ka kynroh ia kane ka “Governor Quest House” ha Tura kala dep don hynrei kam pat pyndep pat ban ker barwoh kawei sawdong ia kane ka jaka bala buh kyrpang ban sah u Lat lada u leit sha Garo Hills.
Kumba ka long haduh mynta nalor ka Raj Bhavan kaba don ha Shillong kam don kano kano ka iing kaba la shna kyrtpang ban sah u Lat lada u leit ban jurip ia ki bynta jong ka jylla bad kane ka jingtei ia katei ka iing ha Tura ka dei kaba nyngkong ha ka jylla.
