Shillong, Nailur 15: U Myntri ba dei peit ia ka tnad ka koit ka khiah u James K Sangma haba jubab ia ka jingkylli u Saleng A Sangma haba ia dei bad ka Tura Medical College la iathuh hapoh ka iing dorbar ba ka jingtreila lah ban pyndep haduh 33% bad ia ka pisa la siew T.41 klur.
U Myntri ka koit ka khiah u la jubab ba ka jingshisha ia kane ka Tura Medical College la dei ban pyndep ha u snem 2021 hynrei na kidaw kiba ym lah ban kiar la buh ban pyndep pat ia ka ha u bnai Rymphang 2023.
U myntri ka tnad ka koit ka khiah la ong ba kane ka dei ka Medical College bala bei pisa da ka sorkar, ka jinglut baroh kan long T.243.82 klur bad ka sorkar pdeng kan bei T.172 klur bad na katei ka sorkar kala pynlut T.40 klur.
U Myntri la ong ba kane ka dei kaba la dep ban siew haduh mynta hynrei ki jingsiew ki dang bun namar ba ka kam ka dang iaid sha khmat bad ki bill ruh kin dang wan, ka sorkar kala shum khia ban peit ba kane ka Medical College kan lah ban pyntreikam noh na ka bynta ka jingmyntoi ka jylla.
Haba jubab ia ki jingkylli bynrap, u myntri ka tnad ka koit ka khiah la iathuh la ioh ia ka jaka ba 50 akar ha New Shillong Town Ship ban tei ia kane ka Shillong Medcial College, ka sorkar kand ang pynkhreh ban khot ia ki kompeni ban ia treilang.
