Shillong, Jymmang 21: U myntri rangbah ka jylla u Conrad K Sangma u la skhim khia da lade ban peit ba ka jingtrei ia ka State Zoo kaba la sah teng palat phew snem ka jingtrei kala iaid sha khmat bad khmih lynti ba lah ban plie mynta u snem.
Ban peit ba ka jingtrei kala iaid sha khmat u myntri rangbah ula leit ban jurip da lade ia ka jingtrei ka State Zoo ha Umtrew kaba dei ha Ri Bhoi District bad u khmih lynti ba I ka jingtrei un lah banpyndep kloi bad ban ioh plie noh ia ka mynta u snem.
Ka jingpynkreh ka tnad khlaw ban shna ia kane ka State Zoo ha katei ka jaka ka dei ban la long mynta la bun phew snem, hynrei ka shu shah kumto khlem paw dak ei ei ba kan iaid sha khmat ia ka jingtei ia kane ka state Zoo bad mynta kane ka jingtrei kala iaid beit kumba ka long mynta.
Kane ka State Zoo ka heh 72 akar bad ka jinglut ban pyndep ia ka jingshna ia kane ka jaka ri marad ka long T.35 klur bad haduh myna la pynlut T.21 klur tyngka, ynda ka jingshna ia kane ka State Zoo kan khring ia ki nongwan jngohkai sha kane ka jylla.
