Shillong, Lber 06: U myntri rangbah ka jylla u Conrad K Sangma haba jubab ia ka jingkylli kaba la wan rah da u bah Heavingstone Kharpran la ong ba ka jylla kala shna 3230 tylli ki pung dohkha naduh u snem 2020 haduh 2024 bad ka jingmang pisa kala kot sha ka T.9768.29394 lak tyngka.
Haba jubab ia ki jingkylli bynrap u myntri rangbah ka jylla la ong ba ka jingpynmih dohkha ha ka jylla ha u snem 2011 ka long tang 4000 MT bad mynta u snem 2025 ka jingpynmih dohkha na ka jylla kala kot sha ka 20,000 MT, ka jingdon kam dohkha ha ka jylla ka long 32,000 MT, kumta ka jylla ka dang hap thied na shabar sa 12,000 MT.
Ka sorkar ka ai jingiarap ban shna pung dohkha na ki ar tylli ki skhim kawei ka dei ka skhim PMMSY na kane ka skhim ki ai T.16 lak tyngka ha ka shi akar, katba na ka Meghalaya Aqua Mission la ai jingiarap T.12 lak tyngka.
U Myntri rangbah la ong ba ka dei ka jingshisha ba bun symbai dohkha dang hap wanrah na Assam, ka jylla ka don 61 tylli ki jaka pynkha dohkha symbai bad ki pynmih 24.7 million tylli, ka dorkar ka dang pynkhreh ban shna sa 35 tylli ki jaka pynkha dohkha bad la mang pisa T.10 klur ynda la dep shna ia kine baroh ki jaka pynkha dohkha kin sa don 97 tylli.
Haba ia dei bad ka jingpynmih ia ki jingbam ban bsa ia ki dohkha u myntri la ong ba dang bun ba thied na sha bar, ia mynta ki don tang 15 tylli ki jaka tylliat jingbam dohkha bad 12 tylli ki ban dang shna thymmai bad na kine yn sa pynheh ia ki 17 tylli namar ka jingdon kam ia ka bam dohkha ha ka jylla ka long haduh 30,000/-MT.
