Shillong, Naitung 27: U Secretary ka sorkar jylla Meghalaya u Dr C Manjunatha ba dei peit ia ka tnad ri mrad u la ong ba ka sorkar Meghalaya kan thied shispah jur ki sniang pynkha na ri England ban pynroi ia ki ha kane ka jylla Meghalaya.
Ia kane u la iathuh ha ka jingkren ka jong ha ka jingiakynduh ki nongri jingri ka jylla Meghalaya bad u Myntri khynnah ka sorkar pdeng u Dr Sanjeev Kumar Baliyan mynta ka sngi ha Shillong.
La iathuh ba ka sorkar kan pynkha ia ki bad kan sa sam sha ki kynhun treilang bad ki pat kim sam sha ki paidbah ia kine ki sniang ban pynkha shuh shuh ia ki na ka bynta ban pynheh ia kane ka kam ri sniang ha ka jylla. Halor kane ka sorkar kala dep ban phah ia ka skhim Meghalaya piggery Mission sha ka srokar pdeng kaba T.220 klur tyngka.
Kumba ka long mynta ka jylla Meghalaya ha ka shisnem ka don ka jingduna ia ka jingpynmih doh sniang haduh 1000 Metrik Tone kaba mut 65%, ia ki sniang mynta la wan rah sha kane ka jylla naduh ka jylla Punjab.
