Shillong, Kyllalyngkot 29: Ka Central Bureau of Communication, Shillong ka la pynlong ar tylli ki prokram ai jingtip shaphang ka jingktah jong ka jingpyndonkamia ki jingdih pynbuaid hapoh ka kam NashaMukt Bharat Abhiyan.
Kane ka sienjam ba la pynlong ha Pathew bad Markasa ha Eastern West Khasi Hills, ka thmu ban ai jingtip ia ki nongiashim bynta shaphang ka jingkiew ka jingpyndonkam ia ki jingdih pynbuaid bad kumno kane ka ktah ia ka koit ka khiah.
Ka prokram kaba nyngkong ka dei kaba la pynlong ha Parïong PHC ha ka shnongPathew ha kaba ki nongshong shnong ki la ialum ha ka por mynstep ba la ialam da u Rangbah Shnong Bah AMarngar.
U Dr. L.S.L Kharkongor, inchargeka PHC u la kren shaphang ka jingkhuslai jong u shaphang ka jingpur ka jingpyndonkamia ki drok ha kane ka thain bad u la batai shaphang ka jingktah jong kane ka kam kaba sniew.
“Ka jingdih drok kam dei ka jingeh shimet, ka ktah ia ka longiing, ka shnong bad ka imlang sahlang,” u la ong. U Dr.Kharkongoru la ban jur halor ka jingdonkam ia ki sienjam ba pura kiba peit bniah ia ka jingai jingsumar bad ruh ka jingiada ha ryngkat ki prokram ai jingtip.
UBah E. Marbaniang, SI kaMairang Police Station u la kren shaphang ka jingdih drok bad ki sienjam ban iada na kane. U BahMarbaniang u la kren ruh shaphang ki jingktah ka jingdih drok, ki jingpynshitomkatkum ka ain bad ka jingdonkam ia ki kmie ki kpa ba kin peit bha ia la ki khun.
U la ong ba ka jingdih ia ki drok kum u opium, kynjabad kiwei kiwei ki jait ka ktah bha ia ka jingim. Ka jingdih drok ka ktah ia ka jingmut jingpyrkhat bad ka koit ka khiah. U la ong ba khnang ban laitna ki jingktah jong ka jingdih drok, ngi dei ban sngewthuh ia la ki jong ki jingbahkhlieh bad don ka jingim kaba koit ba khiah.
U la ong ba khnang ban weng ia ka jingma jong ki drok na ka imlang sahlang, ka long kaba donkam ban ioh ia ka jingiatreilang jong ki paidbah bad u la ban jur ba ki briew ki dei ban ai jingtip shaphang kito kiba la ngop ha u drok bad kinokino kiba dei drok ha ki thain jong ki khnang ba ki pulit ki lah ban shim kloi ia ki sienjam.
Kane ka kam jong ka Bureau ka long shi bynta ka kam kaba kham iar jong ka Sorkar ban ialeh pyrshah ia ka jingngop ha ki drok bad wanrah ia ka imlang sahlang kaba lait na ki drok lyngba ka jingai jinghikai, ka jingshim ia ki sienjam bad ki kam jong ka imlang sahlang.
La iakren ruh shaphang ka jingkongsan jong ka jingkhuidjingsuba ha kane ka prokram hapoh ka mat Swachhata Hi Sevada kaKong Susanna L Lyngkhoi, Block Coordinator SBMG Mawthadraishan Block.
KaKong Lyngkhoika la ban jur halor ka jingkongsan jong ka jingpynsangehia ka jingthang ia ki niut plastic. Ka la kren sani ruh shaphang ka jingdonkam ban tihia ki thliewpainkhana, bad ka jingbahkhlieh jong ki briew ban pynthikna ia ka jingkhuidjingsuba.
Kum kane ka prokram la pynlong ha ka Dorbar hall jong ka Community Hall ha ka shnongMarkasada ka jingthmu ban kyntiew ia ka jingkhuidjingsuba bad ka jingialeh pyrshah ia ka jingpyndonkam ia ki drok. U nonghikai ka skul Markasa Sec. School,Bah D L Marsianbaiu la iaroh ia ki sienjam jong ka CBC Shillong kaba la pynlong ia kum kine ki prokram ai jingtip ha ki shnong ba kham jngai kum ka Markasabad ba kam pynlong ia ki prokram tang ha ki jaka sor.
U Bah Marsianbaiu la ong haba u briew u npop ha ki jingdih pynbuaid, um buh jingma tang ia ka jingim lajong hynrei ka ktah ruh ia baroh kawei ka longiing, ka shnong bad ka imlang sahlang. U la kyntu ban don ka jingbteng jong ka jingkyrshan ia baroh ki briew ha ka imlang sahlang kaba peit ia ki jingktah ki jingdih pynbuaid ia ki briew bad ka imlang sahlang.
Ka Bureau ka la pynlong ruh ia ki jingiakop shad bad quiz kum shi bynta kane ka prokram bad ki nongjop ki la ioh ia ki buskit song tyngka. Ki nongjop jong ka jingiakop shad ki long –ba nyngkongAlbansa L Marshillong, ba arJubarihunÏawphniaw, ba laiDathewlang L Lyngkhoibad ba saw DaphinSharaiÏawphniaw.
Ka la don ruh ka jingthungdieng hapoh ka kam EkPed MaaKeNaam. La pynlong ruh ia ka jingpynkhuid shnong bad hadien kane ka la don ka jingai jingkrenjingsngewnguh da u Bah JosephasThongni. Ka prokram ka la kut lyngba ka jingiashondurha kaba la iohiia ka jingshitrhem bad ka jingkmen jong ki nongiashim bynta.