Shillong, Risaw 16: U myntri rangbah ka jylla u Conrad K Sangma u la ong ba ka kamram ba nyngkong jong ka sorkar ka long ban iada ia ki briew la jong, kane ka dei ka kam kaba ha khmat eh jong ka sorkar.
Haba kren ha ki lad pathai khubor halor ka jingdawa ia ka ILP, na ka liang jong u myntri rangbah u la ong ba ka ILP ka dei tang kawei na ki bynta jong ka ain, hynrei ki don bun kiwei ki lad ki lynti kumno ban iada.
Ka sorkar kan iai da iala ki jong ki briew, ka sorkar ka long kaba la kloi ban ia kren bad ia mir jingmut bad no bad halor kane ka bynta bad ha dien ka jingiamir jingmut ka sorkar kan shim ia ka rai ia mynta um lah ban ong lano hynrei ha dien ba la kut ka ilekshon shiteng samoi bad ka jingle niam Diwali kin sa ia kren.
La ong ba ka sorkar mynshuwa kala shim kawei na ki lad ban iada da kaba wanrah ia ka Meghalaya Residence Safety and Security Act, kane ruh ka long kawei na ki lad kiba ka sorkar kala shim, ka jingiamir jingmut ha kaba ia dei dang beteng da kaba ia kren ruh bad baroh ki seng sain pyrthei kiba don ha ka jylla.
