Ka KHADC ka dei ban khot ia ka dorbar kyrpang ban pdiang ia ka Land Bill, 2021: Macmillan

Shillong, Naitung 02: Mynta ka sngi u bah Macmillan Byrsat president jong ka National People party jong ka West Khasi Hills Distirct u ba dei ruh u shongknor jong ka Meghalaya State Law Commission mynta ka sngi u la aiti sha u CEM jong ka KHADC u bah Titostarwell Chyne ai ka ‘Khasi Hills Autonomous District ( Regulation an Administration of Land)Bill, 2021 ha dein bala dep ban peit bniah ia ka Kommittee ba kyrpang kaba la thung da ka sorkar ban peit bniah ia katei ka bill.

Ha ka shithi kaba la ai sha u CEM jong ka KHADC mynta ka sngi, u MLA ka Nongstoin u la ong ba kane ka bill kan long ban pynioh ia ka ain ban iada ka ka khyndew ka shyiap bad ia ka jinglong trai ia kaba la bud ia ka rukom bat khyndew kaba la but ryntih naduh hyndai.

Ka KHADC kala wanrah ia kane ka Bill hapoh ka iing dorbar ha kaba ka iing dorbar kala pdiang ia ka Bill bad la phah sha ka sorkar, ha dien ba la peit bniah la shem ba ki don ki jingiatyngkhuh  ia kaba la pynphai biang ia kane ka bill sha ka KHADC ba kin peit biang.

Na ka ka liang jong ka sorkar ruh ka don ia ka ka juh ka jingsngewkhia ha kaba ia dei bad kane ka kam khyndew, na ka liang ka sorkar kala thaw ia ka committee kaba kyrpang kaba kynthup ia ki briew ka ain napoh ka KHADC, ka tnad khyndew jong ka sorkar  jylla bad ka tnad ain jong ka sorkar jylla ban peit ia kane.

Ha dien ba kane ka kommittee kaba kyrpang kala shong bishar ban peit bniah mynta la phah biang ia kane ka bill sha KHADC ban kan wan rahbiang ia kane ka bill hapoh iing dorbar ban pdian ia ka hapoh ka iing dorbar.

Na ka liang jong u bah Byrsat u la ong ba na ka liang jong ka KHADC ai kan khot ia ka dorbar ba kyrpang ban pdiang ia kane ka ‘Khasi Hills Autonomous District ( Regulation an Administration of Land)Bill, 2021 bad ba ka sorkar kan phah ia kane ka Bills sha u Lat jong ka jylla ban ioh ia ka jingmynjur ba kan long noh ka ain, la ong u MLA ka Nongstoin u bah Macmillan Byrsat ba dei ruh shongknor jong ka Meghalaya State Law Commission.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet