Shillong, Nailar 24: Mynta ka sngi ka KHADC kala phah sha ka sorkar jylla ia ka jingthoh ban pyrshah ia ka jingthmu ka sorkar ban pyntrei kam ia ka CrPC bad ia ka CPC haba ki jaka jong ka District Council, ia kane ka shithi la soi da u CEM u bah Titosstarwell Chyne.
Ha ka shithi kaba la phah mynta ka sngi u CEM jong ka KHADC u la ong ba ia kane ka shithi la phah ha dien ka jingiakyndlang jong ki 21 ngut ki MDC kiba la poi sha ka jingialang ban shim ia kane ka rai ban pyrshah ia ka jingthmu ka sorkar ban pyntrei kamia ka CrPC bad CPC ha ki jaka jong ka District Council.
Ka rai kaba ka KHADC kala shim ia kane ban pyrshah ia ka jingthmu ban pyntreikam ia CrPC bad CPC ha ka jaka ba don ki riewlum kanktah ia ka ki iing bishar jong ka District Council bad kiwei ki iing bishar kiba hap hapoh jong ka District Council.
Na ka liang jong ka KHADC ka kyntu ia ka sorkar ba kam dei ban pyntreikam ia ka CrPC bad CPC ha ki bynta ban dei peit ka District Council namar lada pyntreikam kiwei ki iing bishar kin ioh ban bishar ia ki mukotduma kiba hap hapoh jong ki District Council.
Na ki 30 ngut ki MDC ha KHADC kiba la soi ban pyrshah ia katei ka jingthmu jong ka sorkar jylla ban pyntrei kam ia ka CrPC bad CPC ha ki jaka jong ka District Council, nalor u CEM kiwei ki long u PN Syiem, Gigur Myrthong.
U bah Paul Lygndoh, Mitchell Wankhar, Bajop Pyngrope, Balajeed Ranee, Batskhem Ryntathiang, Carnes Sohshang, kong Grace M Kharpuri, Victor Ranee, Shanborlang L mawlong, B M Lanong, Lamphrang Blah, Teiborlang Pathaw, Pyniaid Syiem, kong Macdlyne S Mawlong, Jambor War bad Alvin K Sawkmie.
