Shillong, Naiwieng 05: U Bah Paul Lyngdoh Executive Member jong ka KHADC ba dei peit ia ka tnad khaii pateng u la ong ba kin iaid sha khmat ban khynra ia ki nongdei madan ki bym don ia ka Trading License bad ia ki trai jylla kin hap ban register bad ka District Council.
Haba kren ha ki lad pathai khubor mynta ka sngi u Bah paul u la ong ba ka KHADC kam shym la pynkhein ia kino kino ki kyndon, kala iaid katkum ki kyndon jong ka ain ha kaba ia dei bad ki nongkhaii ki bym dei ki trai jylla bad ia ki trai jylla da kaba phah register ia ki ha kaba ia dei bad ka kam die madan.
Haba ia dei bad ka jingdawa jong ka seng ki nongdie madan ki long ki jingdawa ki bym shongnia. La ong ba na pdeng ki san ngut kiba la kynduh ia u CEM mynnin ka sngi ar ngut na ki kidei kiba la shah dain kuna ha ka iing bishar jong ka High Court jong ka jylla Meghalaya bad ka rukom wan jong ki ruh ka long kaba isaitmet.
Kine ki briew kila leit ban ujor ia ka jingpynbna jong ka KHADC sha iing bishar hynrei kila shah dain kumna bad ha ka jingleit biang kaba ar sien ka iing bishar ka High Court jong ka jylla Meghalaya kala kyntait.
Haba ia dei bad kane ka jingregister u bah Paul u la kren shai ba kan nym don kano kano ka jingsiew yn register ei. Haba ia dei bad kane ka jingkhynra don kam ia ka jingiatreilang hadpeng ka District Council bad ka sorkar jylla. Ka rai jong ka High Court jong ka jylla Meghalaya kam don jingiadei bad ka District Council, la ong u bah Paul.
