Shillong, Lber 02: Ki bor ba dei peit ia ka District Administration jong ka East Khasi Hills District mynta ka jan meit kala pynbna ba ia ka korphiew la pynjari ha baroh kawei ka nongbah Shillong naduh ka por 6.00 baje mynta ka miet haduh ka por 6.00 baje mynstep la shai ka sngi.
Na ka liang jong ka Deputy Commissioner jong ka East Khasi Hills District kala pyntip ba ki jaka ki ban ngat ha ka korphiew kin logn ha baroh ki jaka kiba hap hapoh jong ka Shillong Municipal, ki jaka kiba hap hapoh jong ka Cantonment.
Kiwei ki jaka ki ban ngat ha kane ka jingpynjari ia ka korphiew kin long baroh kito ki jaka kiba hap hapoh jong ka Mawlai Block bad kiba dei hapoh jong ka Census Town, ki jaka kiba hap hapoh jong ka Mawpat Block kiba hap hapoh ka Census Town,
Kiwei ki jaka kin long baroh ktio kiba hap hapoh jong ka Mylliem Block, naduh jingkieng Umshyrpi haduh Hynniewmer, ka Madanriting, Mawblei,Laitkor, Nongkseh,Umlyngka, Lawsohtun,Mawdiangdiang, Diengiong bad Siejiong.
