Ka KSU ka long kum ka stieh bad ka Kynroh bah kaba khanglad na ki jingshah leh bor: Donald  

Shillong, Risaw 03: Ka Seng KSU myn ha ka 2 tarik U Risaw 2021 ka la ioh ban pyn iar ia ka shnat treikam jongka sa hapoh ka Shnong Laitumkhrah  ha kaba ki Samla na kane ka shnong ki la ia mih ryngkat ka jingkit khlieh ban shimti ia ka Lyngkor ban tynrong lem ia ka khia ka shon jong ka Jaitbynriew kaba ka Ju mad bad tyngkhuh jingeh na ka por sha ka por.

Ia kine ki Samla jong ka Laitumkhrah kiba kynthup ia u President u Samla Sambormi Lyngdoh bad ia U General Secretary u samla Brandon Shangpliang ryngkat ki Dkhot kiba la pyniasoh pura bad ka Seng la Pdiang sngewbha bad pyn skhem da u President jong ka KSU Central Executive Council U Samla Lambokstarwell Marngar, ha ka jing sakhi ryngkat lang da u General secretary ka KSU Central Executive Council u Samla Donald V Thabah.

Ha kane ka sngi la don lang ruh ki Dkhot ka KSU Central Executive Council u Samla Biangbor L.Paliar Vice-President KSU, u Samla Eric Nongkynrih Assistant General Secretary, u Samla Raymond Kharjana Education Secretary,Samla Pynkmen Sanmiet , Samla Iashan Mukhim , Samla Dakishan Malngiang kiba long ki Assistant Organising Secretary.U Samla Wallam Nongsiej V.P KSU Delhi Unit ryngkat ki dkhot ka KSU na ki tnat treikam kiba don ha jylli ka Sor Shillong.

Kaba kham pyn sngew tynnat kalong ba La iadon ryngkat lang ruh I Bah G. M. Bruce Sawkmie u Chairman jong ka Dorbar Shnong Laitumkhrah Pyllun uba la ai ruh ia ki kyntien sneng bad kraw ia ki Samla ban long kiba Tip briew Tip Blei. Lah ioh ruh iaki jingkren na u Samla Raymond Kharjana Education Secretary KSU-CEC,  u Samla Wallamkupar Nongsiej VP ka Delhi Unit bad na u Samla Donald V. Thabah.

U Samla Donald u la ong ba ka KSU ka dei ka seng kaba don ia ki mat treikam bad ki Nongrim kiba skhem ha kaba ia ki Dkhot jong ka yn ym lah ban thied da mano mano ruh. U la pynkynmaw ruh ba ha u Snem 1979 ha kapor ba ka Seng ka lah sdang iaka Anti-Foreigners Movement ka jingiakhih ka sdang shwa na Laitumkhrah.

Ha katei ka snem haba ki khynnah samla jong katei ka shnong ka lah mih madan ban ia shim bynta ha katei ka Movement bad ka lah long kaba jop haba ki mynder kiba la buhai Shnong ki lah hap ban mih noh. Ka KSU ka Long kum ka Stieh bad ka Kynroh bah kaba khanglad na ki jingshah leh bor ha ki poiei shi sngi Pynkut u Samla Donald.

Haba ai jingkren u President Rangbah jong ka KSU CEC u Samla Lambok  u la kyntu ia ka KSU Laitumkhrah Unit ba kan shakri hok ia ka jaitbynriew ha ryngkat ia jing ia trei lang bad shnong ka thaw bad ban peit bniah ia ka bha ka miat ha ka shnong ka thaw khamtam ha ka shnong Laitumkhrah kaba dei ka shnong ba lah ia shong khleh bad kiwei pat ki Jaitbynriew.

kumta u la ai mynsiem ruh ia ki ba kin long kiba sngewrit bad burom ia kiwei, kiba stad ba shemphang bad kiba snar ha ka mynsiem ba ia leh. Shuh shuh ruh u lah pynpaw ba ym dei ban klet ia ki ishu bad ki mat ba kongsan ba ka jaitbynriew ka ïeng ialeh ban dawa na bynta ka hok ki trai Ri trai muluk.

Kumba shu pyn kynmaw ka Laitumkhrah Unit ka lah dei ka wei na ki shnat treikam ba shit rhem jong ka KSU naduh u snem 1978 ba lah sdang ban seng nyngkong eh ia ka KSU.

Mynta sa shisien pat ka KSU ka lah ioh ban pyn skem bad pyntian smai biang ia ki nong kit kam bad ki dkhot ba pura jong ka KSU Laitumkhrah Unit kaba long ka jabieng ban sei ia ki khynnah pule kiba tbit, ka jing don jong ka Laitumkhrah Unit kan iarap shibun bah ia ki khynnah pule ki ba shem jing jynjar haba bun bah ki liang namar ha shnong Laitumkhrah ba bun bah ki skul pule bad ki college ba tbit ki don hapoh katei ka shnong.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet