Shillong, Iaiong 26: Mynta ka sngi ka seng samla pule ka Khasi Student Union (KSU) hapoh ka jingialam jong u samla Iashan Mukhin lem bad kiwei ki dkhot nongialam ka seng kila leit sha MeECL da ka jingthmu ban ia kynduh ia u CMD ban pynpaw ia ka jingpyrshah ka seng halor katei ka jingthmu ka Corporation.
Namar ka jingbym don jong u CMD na ka liang jong ka seng kala ia kynduh ia u bah S.B Umdor Chief Engineer Project jong ka MePDCL, ha kane ka jingiakren ka KSU kala pynpaw ia ka jingpyrshah ban aiti ia ki 56 tylli ki Sub Station ha ka jylla sha ki kompnei jong ki riew shimet ban pyniaid ia ki bad kane ka kompneni la tip kum ka M/s Broadcasting engineering consultant India limited kaba na Noida.
Ha kane ka jingiakynduh na ka liang ka KSU kala pynpaw ia ka jingpyrshah ia ka jingthung ia u M K Chertri kum u wei na ki Director, ka seng KSU ka kren shai ba kam pyrshah ia u hynrei balie la thung ia u haba ki dang don kiwei pat kiba kham ha shuwa jong u kane ka jingleh ka sorkar ka long pyrshah ia ka hok ki ba trei ha MeECL ka seng ka kren shai ba ka sorkar ka dei ban pynbeit ia kane ka jingeh.
Haba ia dei bad ka jingthmu ban aiti sha ki riew shimet ia ki 56 tylli ki sub station sha ka jylla kam shym don kata ka jingpyntip paidbah bad ka jingaiti sha katei ka kom peni na Noida ban pyniaid ia kine ki sub Station ruh ka long kaba rem bha bad kane ka pynlong ia ka seng ba kan don ka jingartatien ia kane ka jingleh ka MeECL.
